24h購物| | PChome| 登入
2003-09-14 21:08:30| 人氣136| 回應0 | 上一篇 | 下一篇

~糟透的大學~

推薦 0 收藏 0 轉貼0 訂閱站台

今年開學,諗住早d返去報到,拎間靚房啦~~~點知返到黎,連宿舍都未住得~!!!
入去睇仲係一間吉房(即空無一物的房間~)
開學搞註冊呢,又好似上年咁亂.......真係勁嬲囉,有乜理由一間大學可以搞到咁樣架?
最後我同一班同學要o係出面住左兩晚酒店,間宿舍至叫做勉強可以入去住.......
男仔果d到而家仲未住得,要住臨時宿舍呀慘~~~我地報到果日得間吉房,連床都未整好呀撞鬼......
這間大學已經唔係呢三兩年至係咁架喇,都唔明點解班死仆街管理層俾人投訴左咁多年都仲可以唔改架~
年年都要我鬧.......唉,暨南大學......我而家極無奈囉........

我而家係同Julian同房架!!!
本來住單人房的我,因為學校插左個唔熟的人同我同房,咁Julian先前又問過我一唔一齊住~
結果我就搬去同Julian住喇~
間房勁多泥同埋比珠海細好多囉.......又話有冷氣,又要比以前交多左一千蚊~
結果係乜都冇囉......貨不對版呀!!!
間房冇風扇冇熱水冇電話冇網線......
住十樓果班仲要冇 lift 撘~架 lift 都仲未整......真係辛苦佢地喇~~~
聽聞內招生果邊宿舍都唔好得幾多,今次暨南真係好失敗呀!!!

好喇~到上堂喇~
課室同預期中差唔多,都係比珠海殘好多......話晒都俾人用左咁多年,有返咁上下歷史架嘛~
但又係果句......比預期中更亂......
d選修科好複雜,又話必修但又爆晒人數......我地好似有d人修唔到~~~
PE 堂又係班太少,人太多........唉,舊年已經知架啦,今年都仲唔識改,真係冇腦架~
好在都俾我揀得返修羽毛球~~~咁打橋生盃都有d把握~~~

仲有,呢幾日我都用左好多錢呢~
要買電話卡啦,一要打返香港,張卡就用得勁快......
又買左好多日用品,仲要夾錢買雪櫃(好在一早買左洗衣機咋~~~)
仲要預錢交書費......已經用晒老豆俾果一千蚊喇......

總之呢間學校俾我的感覺就係越來越差......行政果班全部都......
唔識安排,唔識做野,淨係識講野講到唔清唔楚咁之後再話人地做乜唔跟佢做野~
永遠有佢地講冇人講,而佢地講的唔係廢話就係d冇人聽得明佢講咩o既野~
真係.........又再次好掛住香港.......

我要檢舉
台長： 一流仔

您可能對以下文章有興趣

人氣(136) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文