奧運精選集 II＠~一流仔．明心見性~｜PChome Online 個人新聞台

2008-09-05 01:52:12| 人氣628| 回應1 | 上一篇 | 下一篇

推薦 0 收藏 0 轉貼0 訂閱站台

這是另一張我覺得不錯的相片

都是在開幕式拍的

現在是我電腦的桌布 XD

陽光燦爛的日子...通常都要做戶外比賽 =_=

所以呢日曬到媽媽都唔認得就要做三項鐵人

一直曬足三個半鐘...變人乾呀

頭上的吸水毛巾好好用,蓋住個頭即刻唔熱

仲變左法老王 XD

呢個就係做完三鐵比賽的後果

黑白分明

果晚膊頭勁痛,好在塗左藥膏就好返 D

即使到返左香港的今日

膊頭上的黑印仍然清楚...冇褪過色囉 =_=
不過終於開始脫皮了

經歷過二月世乒賽,北京又玩多次

連續十日,日日由朝到晚都係乒乓

做到人都癲都算喇

最慘係阻住我去其他場館睇比賽

女排,拳擊,棒球,一場都冇睇過...灰

話說奧運村入面的紀念品店好好行 XD

唔知係咪壓力壓得太耐
一爆發簡直停唔到,係咁買 XD

最後在不同地方共買左 4 次野
埋單計數突破 4 字...認真精彩

呢度係最癲果次的留影
(留意左手的係兩件香港冇得賣的中國隊領獎服...即係果件褸)

其實係見朵花幾靚先影的

影出黎冇晒王府井的街,唔似樣 XD

我都奇怪王府井中間有座咁古老的教堂

不過影出黎靚就 OK 了

我幾鍾意呢張

在 MPC 門口的志願者,臨走一定要合照

有人聲稱其中一個似衛詩,哈哈

事實上京奧的義工好好笑容,好有禮貌

但又真係未必幫得到手囉 =_=

好多時只係笑住答你唔知道,或者叫你問第二個

不過,綜合各方評價,佢地原來係歷屆最好的

噢~~~北京大董烤鴨 !!!
去北京一定要食...正過全聚德呀

尤其係果塊皮...沾少少糖放入口
你會知道咩叫做入口即溶...正到爆炸

不過上菜好鍾意小題大做
明明好細份的東西會佔左四分一個桌面 =_=

又是一張我喜歡的相片

這裡是北京 798 藝術區

原本是個工業區,廢棄後改成藝術區
有點像香港的牛棚...不過大好幾倍

走在其中,會覺得自己玩緊喪屍 GAME

個場境好似轉角會有喪屍跳出黎咁

臨走時拍下的北京機場三號航運樓

新航運樓真係大得好緊要

大到咁樣放個長廊,後面仲有 LEGO 樂園

竟然都仲係覺得空間感好大

終於貼完了相 XD
好似幫自己重溫一次奧運之旅咁

不過我知道,2008年8月我一世都不會忘記得了
太多的經歷值得讓人一生記住

我要檢舉

#奧運#奧運會#體育#運動#2008

台長：一流仔

人氣(628) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 勞碌命 |
此分類上一篇:奧運精選集 I

回應(1)

~一流仔．明心見性~ 公車站,地鐵線 踏著球鞋走個遍 拿相機,放冷箭 運動場上常相見 寫文章,求新意 體育新聞放最前 一流仔參上~ 443愛的鼓勵 1訂閱站台