金手指：救雷曼「苦主」低 Q 能＠傷信愛情

2008-10-09 13:05:22| 人氣108| 回應1 | 上一篇 | 下一篇

金手指：救雷曼「苦主」低 Q 能

轉載: 蘋果日報 2008-10-08

呢兩個禮拜，孫柏文睇到「雷曼投資者輸錢事件」事態發展，越睇越火滾。由最初民主黨做 show ，畀買雷曼產品投資者一個集體假希望，到今時今日，政府行政機關高調介入，強迫本地銀行硬啃，要令市民覺得政府做緊。
政府明唔明白為呢班為數可能上萬人，越「做」就會越罔顧特區銀行體制穩健，越有機會令特區銀行爆發集體擠提潮，最終危害幾百萬個需要穩健銀行體制香港人。孫柏文已經係特區數一數二，政治思維上最心胸廣闊人，不過今日我都要講句：「曾蔭權係政治家？我呸！」

資不抵債隨時執笠

今時今日金融海嘯，係建基於全球債主、存戶唔知道銀行手上資產價值。因為唔知道資產價值，一旦被揭發少過負債，就可以即時執笠。不過今次呢個海嘯，起碼知道銀行負債有幾多，佢要上身負責還數有幾大。
不過如果特區政府行政機關，成功令市民覺得佢有能力，強迫本地銀行為所有之前賣過金融產品上身，本地銀行資產負債表就會突然出現超級問號。多都唔使問，只要有人問政府：「曾特首，本地銀行賣過價值幾多金融產品？本地銀行一旦因為你做，被迫要賠款，究竟仲有冇本地銀行唔係資不抵債？」
當有咁大不明朗因素，所有本地銀行債主、存戶，即時對自己幫襯開銀行出現恐慌。大家都唔使怕師奶提款潮，因為只要有差佬拉不誠實使用電腦人，傳媒唔報道，就唔會發生。