Go On My Life 透過內心的溝通總需要勇氣, 要知道事實和自己的不足才可改進自己, 超越自己!!

64愛的鼓勵 0訂閱站台

尋日1/2同細蚊一齊慶祝生日, 成日以前同學及朋友仔一齊唱k, 好好玩, 好開心. 講返放咗工之後去到隨道既時候攞個電話出黎睇, 嘩! 好多個missed call, 阿笑同阿細兩個掹咁打比我, 好死怖!! 唔係因爲咁佢地打咁多次比我, 而係佢地打咁多次我都聽唔到.......死啦!! 耳仔有問題!! 跟住打返比阿笑, 佢已經放咗工, 佢仲諗住係葵芳等阿頭及阿細, 但我同佢都早放, 先去到荃灣book房及買蛋糕, 出到去揾晒美心, pie&tart, 聖安娜都無啱心水, 就走去Italian tomato度買, 有好款, 款款都似好正, 今日我好堅決地講話我發板, 咁係因爲我成日都買開蛋糕, 屋企人個個話好味, 所以今次我都想比啲好味野大家食, 就揀咗個士多啤梨, 朱古力蛋糕, 唔記得咩夾餅, 再+鮮芒果, 有四種口感..但見阿笑好擔心驚個舊野唔好食, 所以一直想等埋阿細一齊揀, 點知打咗比阿細佢都話贊成, 就扑搥, yeah!! 跟住拎返去"綠盒"度放雪櫃, 個姐姐仔見我地行咗好耐街, 都忍唔住話先比房我地, 我仲問可以咩? 好開心可以早啲攞房, 攞咗房狂唱"胃腩"啲歌, 呵!! 跟住鍾振宇第三個黎度, 佢食野先, 跟住其他人開始慢慢黎齊, 唱到咁上吓, 主角細蚊都黎埋!! 好開心, 成班啲晒唱, 今次最令我驚訝係我未見呀玨哥佢原來可以唱到咁激, 仲好勁, 一個字 -----掂!! 仲+埋震音 ----- 勁!! 唱吓唱吓到咗十二點鐘, 生日快樂, 細蚊!! 個工作人員攞個蛋糕黎, 好靚呀!! 成班人唱住首永恆的經典金曲, 生日歌!! 細蚊好搞笑, 大叫話老套, 其實我都覺得係, 因爲呢個已經成日所有人既習慣, 生日歌配生日蛋糕, 唱完之後, 細蚊開始"反"野, 幫佢附近啲塗mask, 我都食咗一野, 太過份啦!! 食完個個都話好飽添!! 我都係, 都幾濟...個蛋糕的確有不足, 需要改善, 我以爲佢啲芒果真係好鮮, 點知佢+咗啲芒果jam, 搞有啲怪怪, 朱古力蛋糕唔夠濃郁, 敗筆之處, 但中間個舊夾餅出奇地幾好&忌廉唔膩, 評分, 嘟-----------------------5.5分, 因爲四種口感, 有差不多一半敗筆, 只有一半合格!!
食完飲champagne, 一口氣吞晒, 正!! 到咗一點幾同玨哥&鍾振宇走人, 佢倆個都住大窩口, 仲要鄰居!! 我就飛的, 返到去好攰!! 搞點晒啲野之後就瞓, 但瞓瞓吓突然間好緊張, 唔知點解!! 每次有事未做完或有事發生就會咁!!

點知今日2/2返到公司, 發現maggie買比我地既3條波波金魚bb死晒!! 好慘!! 好唔捨得佢地, 佢地只不過黎咗不足一個星期就咁去咗, 媽媽攞咗佢地上天台啲盤栽度埋葬佢地.......唉!! 有時第六感真係....