Go On My Life 透過內心的溝通總需要勇氣, 要知道事實和自己的不足才可改進自己, 超越自己!!

64愛的鼓勵 0訂閱站台

當我心入面想快啲結束成件事既時候,我鼓起勇氣問佢"你又話有啲好重要既事同我講,咁究竟係咩事?",佢摸摸鼻有啲尷尬咁同我講"哦!冇咩!想大家了解下大家啫!",我心諗"大佬唔好嚇我呀!!"跟住佢再講"其實呢我係一個要爲將來鋪路既人",我記得佢係咁講,我仲覺得古怪,接住佢帶咗我去一達地方,係正地鐵站隔離,要上樓,(拿!唔好諗歪野呀!)其實係一間公司,等lift既時候,佢同我講"一陣間呢我要帶你去認識一個人,佢係讀翻譯既,一陣間有啲咩問題你可以隨便問佢",我已經被嚇到標冷汗!入電梯既時候,有好多人都係識xxx既,佢地既眼神話咗比我知,佢地要我係佢個gd,我當時真係好想死咗去或者挖個"隆"俾我"捐"入去,超樣衰!!
(Hi!xxx!)...(Hi!xxx!)...(Hixxx!)跟住xxx講"呢個係我個朋友阿Wing",跟住聽到啲人講(Hi!你好呀)(加油呀!xxx)(你個朋友好怕醜),僅係啦!你地啲眼神同笑容已經有晒答案,唔驚就有鬼!!戲肉到...

當一齊步出電梯既時候,見到一個好普通既聚會,但在場既人有成百幾二百人咁多!佢一出到黎就搭晒我膊頭,我好想撇甩佢隻手,好快咁佢話今次帶我黎係想俾個機會我認識一下呢間公司,原來呢間公司佢係到做咗成幾個月,(以爲真係可以考慮下),佢一路行一路介紹公司既歷史,我覺得佢背得好熟,唔似做咗咁少時間,跟住有張枱一早安排咗俾佢帶人上黎介紹下,因爲張枱有好大個名係度,佢果然係個"善於安排"既人,而且我仲覺得人心果然係難測,就算佢係出於一片好心,但我唔會受囉,係根本無法接受!!!佢全程坐得好貼近我,幾乎好似一對情侶咁,我真係坐得好唔自在,我越得開,佢越坐得埋我個度,我坐在係度之後冇幾耐,有個讀翻譯既人(唔記得佢叫乜),佢流暢咁講解啲野我聽,先係問我個樽似乜,我話似香薰,bingo!跟住佢就講公司歷史,一路翻書咁講,已經有半粒鐘多,仲要講下,賺到$$公司會點計,佢話有個人係到做有成幾十萬進脹,就算係都唔關我事!你賺到$係你本事. 其實我當時完全冇心機聽,都唔知佢講乜!根住佢帶咗件粉腸黎,成個冧女格,我真係好想掟佢落屎渠!冇計自己唔識得搏嘴,完全俾佢噴到一面屁,勁down!佢乜呢"就係爲咗說我係呢間公司到做,佢講佢自己啲背景,佢話佢老豆有間車房,粉腸以前係到做,佢話興趣係玩車唔係整車,就將興趣熔入於工作到係"白痴",佢仲教訓我咩叫做獨立,係叫做有能力搬出黎住,唔使靠阿爸阿媽,自己照顧自己先叫做獨立,我心諗,死屎啦你,唔係每個人都好似你咁諗,自顧自己既係自私.跟住佢話做文員咁辛苦,又得個幾千蚊,一個中五畢業同一個大學畢業出黎做又係咁多$$,其實係到做,就好輕鬆,又唔使受人面色. (講解:因爲呢間類似傳鎖空氣淨化既香薰既物體,但啲人係自己好公司,唔理你用咩方法去sell出啲產品,話就話唔係傳鎖,但咁多人做,仲要越請越多人自組公司,正所謂同行如敵國,今日Friend到打band,第日爲咗個客傷害自己人,遲早咪由蝕到pk!!)終於聽完個粉腸講完,佢走咗. xxx佢經常拍我膊頭,懶友善咁不斷說我,佢又話"如果你第日冇得食即係我冇得食既啫!!)我心諗"我入硬嫁嗱?!係我心入面,我一直不斷同自己講,我要堅持到底,被催眠既原因,就只有自己催眠自己,單係人地主動係唔得,所以我死都會撐到底,我就係睇下邊個會放棄先,當然係我勝利,因爲無論佢地點樣浪費幾多口水,我依然固我...待續........