生日快樂~~~
24的最后一刻.....25的第一時間.....點解?點解我會流落街頭架......=.="
可唔可以唔好咁大頭蝦呢?
响呢個咁重要的時刻~我竟然因為無帶鎖匙....無門口入~禁屋企門鐘.....無人應門....打媽咪電話.....無人接聽~好明顯......兩個都訓得好"林"....我知道打比老豆佢一定聽到~但系呢兩日老豆唔舒服.........難得佢訓得著~我又點好意思嘈醒佢呢.......好啦~打比哥哥~佢話佢未咁快番屋企~佢响沙梨頭............所以~零晨12點我揸住電單車吹住風咁渡過~=.="
大二開始~我識左一個同我同年同月同日生的女生~佢系阿詩~之后連續幾年~我都記得同佢講生日快樂~响自己生日的時候同人講生日快樂~感覺好奇妙:)今年自從同表表姐相認之后~呢日過左12點番到屋企之后~第一件事就系send msg比阿詩同表表姐講聲生日快樂啦~哈哈~
人地話同年同月同日生的人會有相似的地方~但系點睇~阿詩同我都好唔同呢~佢比我爽朗好多...哈哈~不過可能响某d層面上我地會有相似之處都唔定~
另一方面~同月同日生的表表姐~我地相認的過程實在太神奇~如果我現在話~其實第一次相約鄭叻在光良演唱會上面見番你的時候~~就很想跟你這個總是說"值得的事情千辛萬苦都要做"的女生做朋友~總是覺得你有一份親切感.....這樣會不會太馬后炮了點呢~哈哈哈~
阿詩那天問我 ~唔知我地咁樣一齊過生日會過幾多年呢?嗯~雖然我唔相信永遠呢個字眼~但系我的答案系"forever"~以后每一年生日~唔一定會有一大堆人陪我/你過~無論身邊是否有個他陪你~無論快樂與否~總會記得這一天還有人一樣期待著你的一句生日快樂~
鄭叻話:"大人的世界是生日的人請食飯。我們到今天還是一起請壽星食飯食蛋糕。
哈哈~~系啊~我好唔客氣啊!
生日前一個星期六約左卡文拉埋小玲同阿蘭陪我去農塲玩左成日~好happy喔!!夜晚豬十班的姊姐們齊集阿娟屋企打邊爐~佢地預先張羅好一大整桌打邊爐食品~食埋蛋糕~仲有禮物收添~呢晚食得好飽好滿足呢~多謝你地喔^3^
第二日星期日，打搞小玲同大口拍拖~我呢個强力電燈炮跟佢地出左拱北行街街~食cake、睇金魚、買cake具、行街街....我買左對黑色boot~哈哈哈~之后仲去埋明愛圓游會~佢地叫拔沙~好熱鬧啊!我第一次去拔沙~呢度好多野玩、氣氛好正啊!!有點夜市的感覺~匆匆玩左幾個game抽左n次獎之后~我地拎住一袋獎品趕下一塲~澳分拉大隊食飯~記得上一年系去唱k~今年食飯~我地人太多~大枱搭張細枱先坐得落~一大堆人迫埋一齊食飯~傾下偈吹水講笑~得閒一齊聚下真好~又一年同阿詩一齊吹爉燭切蛋糕:)
9號星期一，鴨仔早早就約左我中午食飯~我地去左新開番的美麗街中菜部~小玲今日請左假要面試~in完都過黎同我地食~呢頭番工的老恆同老敏都過黎一齊食~加埋平時都一齊lunch的魚旦同wing~大家又請我食飯啦~哈哈...鴨仔同小玲真系預先無夾過~小玲整左個蕉味的凍餅比我~鴨仔又買左個佢自己唔食的芝士蛋糕比我.....結果~我又食又拎左一個半蛋糕番屋企=.="多謝鴨仔本mj傳奇~哈哈哈
夜晚cilia約左嫦同我去打邊爐~唉~識左佢地咁多年都系咁~不過今次算系咁~都系遲左半個鐘姐~哈哈~cilia去左攞蛋糕~好啦咁~聽下兩個靚女講下近況~嗯...cilia份工實在太多精彩經歷啦~食食下~靜打比我~剛好拎埋張紅色炸彈比我地~3/12呢個大日子~我地一定會準時盛裝出席~恭喜曬:)果然不出所望~靜系繼apple之后第二個出嫁的~走到人生的另一個階段~祝福佢有個幸福美滿家庭~靜叫我得閒可以上佢屋企睇結婚相~嗯~~其實我果日就好有衝動沖上佢屋企睇~但系忙學校忙結緍忙新居~佢一定24小時都唔夠用~我都系乖乖地等下啦~哈~到時約埋大家上佢屋企睇靚相先~
就系呢個晚上~我忘記帶鎖匙出街=.="
10號星期二，照常番工中午公司請食飯~佢地將今個季度的生日會定左响呢一日~怎麼又是我呢~搞到我都唔系咁好意思~嘿~阿蘭一早約左我夜晚食飯~我地去左漁人碼頭和花亭~呢度d野唔平呢~不過真系幾好食~食到好滿足~仲有生日禮物收~哈哈~多謝阿蘭熱情款待呢~
連續好幾日無番屋企食飯~生日真好~大家都請我食大餐~哈哈哈~我唔客氣啦!!
呢幾日~我收到好多人的"生日快樂"~說真的~每一句話每個留言收到的時候是最快樂的~生日很重要~過生的形式並唔重要~唔一定要同我點慶祝點搞法~唔一定要生日禮物~重要的是一句生日快樂~謝謝你們都記得呢個對我很重要的日子:)
突然覺得發明facebook的人好偉大~哈哈哈~因為我也是個對日子無乜概念的人~
25真是一個讓人困惑的數字~尤其是我這種方向沒有、事業沒有、愛情也沒有的女生~哈~
24過得很精彩也很糟糕~我知道~時間不等人~25寄望精彩延續~糟糕不再~繼續瘋瘋癲癲快快樂樂.....
啊!!!加油加油加油~~~~~
文章定位：
人氣(107) | 回應(1)| 推薦 (
0)| 收藏 (
0)|
轉寄
全站分類:
不分類
