上海...一個我好想好想去ga地方~
一個我曾經為左佢而放棄保送黎暨大机会ga地方~
一個繁華ga都市...一個聞說好靚好靚ga城市....
前陣子澳分搞左個長綫六天团
行程係杭州蘇州南京...仲有上海!價格$1300(雙飛)<---係咪好吸引呢~
一聽到呢個消息ga時候我好興奮架~但係一方面又担心屋企方面ga批准，另一方面更覺得愧疚...因為不到一個月前先去完個短綫团....眼見报名日期在即,經多番"审問"后，會長話可以比我地返屋企問下屋企人先~寬限多2日~再難以启齒...始終我都鼓起勇氣問老豆...出乎意料地，佢好支持我~"想去就去啦~你唔趁住依家去旅行，出左黎做野之后就會忙到无時間去架啦~"而媽咪當然又話担心我去咁遠地方，仲問我同房小玲去唔去添...因為我ga猶豫不決，最后同老豆有左共識:老豆話"睇你想唔想去囉~小玲去有個伴你就去啦..."結果我將個波抛左比小玲...事實上我好希望果陣小玲話去架...結果小玲用左個好充份ga理由解釋左佢之所以唔去ga決定....而我就咁就放棄左呢個机會~睇到呢度~你會唔會都同我一樣、只有兩個字想講---"活該!"但係當時我都有我所顧慮ga問題架....長綫团係真係需要一個伴架~睇過經已报左名ga名單~可以想像得出到時候邊個同邊個做partner....如果小玲唔去我仲去ga話...我全程ga守護神將會係....部長....唉~我實在係唔想好似上次旅行咁.....我會好大压力架~玩都玩得唔尽興啦~佢仲不斷咁犹說我去...仲話要教我影相添...(滴汗..)雖則我真係好想學影相...唉~
再然后~早兩日收到風學校搞果個冬令營又係去上海...仲話唔洗添~我始終抵受唔住誘惑~急急腳咁走去报名~我仲等小玲拎埋張form去copy多份比佢，按捺住馬上沖上去交表ga沖動，第二朝我地兩個一大早走去交表(唔洗返學呢個鐘數算好难得架啦~)....結果最后校方又話要交約$1300...我地基於行程不明、价格相約，又叫班長取消我地個名....就係咁我又錯過左第二個去上海ga机會啦....
本應都打定主意話寒假返去搵工做算啦~前晚鴨仔又同我講~話個旅行學校話出三分二、價錢減到$800!!!天啊~~抵到爛啊~更好ga消息係話~佢都去~咁一黎我所顧慮ga問題就唔係問題啦~我又好興奮咁报名~但係會長講明話名額經己爆左，我同小玲都可能无得去~之后又補一句話"不過應該无問題~".....上海~而且我地疯顛三人組三個一齐去ga長綫旅行...的確好令人雀躍~結果第二日佢地話比我聽我同小玲都无得去~比我ga理由係"已經訂左机位~"...可能真係希望愈大、失望愈大啦~真係.....好失望啊~~~唉~咁都算啦~今日會長又打黎話今日又有一個人唔去~多左個位~呢個時候~我心中又再次燃起左一綫希望~不過有三個人話想去~我啦、小玲同另一個人...都知无咁尽如人意架啦~唉~佢問我地要私底下解決定还是係抽籤...小玲問我~我都猶豫左一陣~決定抽籤....黎個聽天由命~嘿,,,,,唔通連個天都唔鐘意我...... 去上海?抽唔中我啊~幸運兒係小玲.....
今日成日都好唔開心啊~除左因為无得去上海之外，我仲好嬲自己!討厭自己呢種咁"扭令"ga性格、討厭毫無主見ga自己!當初就係我ga猶豫不決，所以今日先搞到要三個人爭一個位....唉~坦白講~(我都知自己姓"賴"架啦~)如果當初小玲點頭話去ga話~今日可能我地疯顛三人組都有份去旅行架啦~如果我話我有少少怪小玲ga話~你地一定會話我好小朋友~令我納悶的是~點解當日你比我你決定唔去ga理由~到左學校果個冬令營又或者今時今日，又唔再係一個理由呢?小玲都知道我好唔開心~佢問我係咪真係好想去....我話"唔係啊~"係假架~由頭到尾我都好想去...上海~我知佢有意要讓比我~但係我亦知道實佢都想去~"但係你下一年寒假要實习，就算有团都去唔到播~"我知佢說服緊我之余亦都努力咁說服緊..佢自己...去唔到旅行我真係好失望好唔開心架~但係我唔想卑鄙到用一個咁冠冕堂皇ga理由去剝奪佢地抽籤ga机會~我知道如果我咁講~佢地都好有可能肯委協讓個座比我~用佢黎扼殺小玲去旅行ga权利......縱使我依然係...好唔開心~
我无得去我會唔開心，如果我強占左佢個位搞到佢无得去ga話~小玲都一樣會唔開心架...(所以小玲你識做啦~大大份手信唔該~)...吐完一輪苦水~好左好多啦~大個女啦~唔可以再好似小朋友咁為左一個得唔到ga玩具，扯住啊媽件衫喊哂口咁話"我要我要"架啦~嗯~
為左呢個始終都无份去ga行程~我响呢個咁緊要ga關頭(考試前夕)浪費左我唔少ga宝貴時間啦~呢几日ga心情十足過山車咁....唉~究竟係個天play我定係我自己play緊自己呢~唉~仲有兩日~死期到啦....就算係垂死爭扎都好~唔可以放棄架!
(p.s小玲，今日我ga沉默、冷淡，希望你可以体諒~我實在係打唔起精神去應對你ga關心同..优默...我只係响度自己生悶气~並唔係針對你~放心啦~過兩日无事~)
文章定位：
