始終新聞台個感覺都係比較free..
所以講野都會隨便啲~~用口語~~
可能會有少少語無倫次, 不過冇所謂啦..
最近真係勁黑仔
唉, 啱啱過左個黑色星期三
首先係星期三凌晨對住部腦溫緊最後一科mid term時
忽然勁眼訓...咁就由三點訓到六點...最後有少少溫唔切ge感覺
(不過事實亦証明我溫左都係多餘ge, 容後再講)
早啲返到學校做好測驗準備
之後有交報告...先發現有重大錯誤
趕緊去電腦室修正後, 回到課室
阿sir已經走左佬
結果又要跑去佢office交俾佢
之後返到課室已經差唔多要測
d人又鬼死咁煩係咁問呢樣戈樣做最後衝刺
當然就係溫唔到幾多...抄多張貓紙仲實際 有半份卷係開卷測的
好啦, 之後測驗lo wo
頭一份閉卷測ge做到媽媽聲...又長又多野答
有啲明明記得但又唔係背得好實, 因為估佢出開卷
結果仆直...揼春....明明記得睇過但又記唔實...殘念
之後做開卷, 仲憤怒
出題條仆街明顯係玩野...
因為得兩條, 書係冇得抄ge, 又冇做過ge
完全係思考題~ 嗯嗯 怪不得有得開卷咁著數
之後唔識, 都幾清閒, 求其打開一版抄d野交差算
等到點半都仲有好多人唔肯交卷 係度做垂死爭紮
我就一於少理啦...都係交卷食飯先
食完飯心情放鬆d
諗住上多堂就可以回家relax下
點知下午返來戈堂仲兜踎
教授埋怨我地成績差 發脾氣
戈日我好心諗住戴眼鏡睇清楚d抄好筆記
點知俾佢點錯相 以為我係之前上堂時好多野講的某位同學..
俾佢睥住黎屌....fuck....超無奈
我對住佢苦笑, 佢就越嬲屌得越肉緊 囧
不過我都已經頽晒, 冇心情理佢....
總之淨係想快啲放學係la
夜晚...同人傾過之後叫做心情好返
始終講出黎舒服好多
點知臨天光賴尿...我又做錯野激親人 =.=”
比預定時間搞遲左差唔多成粒鐘後
終於大家都傾好左, 諗住開開心心咁回家訓覺
迎接一個好ge明天......
點知成日ge戲肉先係依家發生
話說渣車去到栢港停車場戈邊街口
無情白事呯一聲訓左落地...
原來係俾架私家車撞左一野...成個人趴左係度
條友仔即刻跑出車睇我點, 話係自己冇打燈又冇睇後鏡就轉左...係佢唔啱
所以炒左埋黎我度...
但我自己係佢左邊行, 跟據垃圾道路交通法都唔啱....
冇得怨...好彩佢幾好人 賠左1000我睇醫生先
於是傾好左唔報警, 遲d先再幫我整車, 就咁算la
去到鏡湖 睇完晒醫生
以後終於可以返屋企抖下
點知俾姑娘的左我去報案...
太大意..早知我話我自己on99冼呔撻係地下度la
個阿sir...初時又話咩同我傾下計做個記錄je...吹水
無幾耐就叫左個交通黎...俾佢的左返交通部落口供
落口供落到太陽出來了...同一個故仔要我講四五次..煩呀
無奈...之後又俾d交警俾咁鬧我炒車都唔報警...慘
之後又要我打電話俾炒我條友黎落口供
唉, 明明講好唔報警, 而家咁搞法我點好意思打俾佢wo..
都講好自己私底下解決啦...乜d交通咁煩架
果然, 打俾條友講左一句: 我而家係交通部...
就即刻俾佢屌到我識飛....問我係咪想勒索佢 =.=
係依一刻, 我真係想大叫: 救命呀...放過我啦.....
我真係想當自己發緊夢
結果星期四下午終於搵到條友黎落口供
佢都冇辯駁...認係佢衰
而好彩佢都接受我解釋...我話我都係俾鏡湖玩左..
不過我累佢咁煩要去落口供又要罰600
(我落口供時話自己貼左邊行, 跟車係後方, 冇企圖超車, 佢冇打燈轉左刪埋黎
我收唔到掣撞埋去跌低...所以判佢錯, 如果佢死咬我想超佢車
而佢又死話自己有打燈, 咁我就67.....)
佢都算幾好人架啦, 下左啖氣之後都主動話幫我整返架車...
可惜佢要我去到金海山禮記整...真係唔識路...又廢事咁煩
所以最後講好數, 都係賠多500我睇架車算la...唉
多一事不如少一事...而家車就花左...不過算嘞
噴過油就一定唔夠la...留返第日花啲先一次過
反正遲早的事...而家次次泊合法位都俾隔離d死50仔刮花...
唉.....反正炒車對鏡爆左一邊 就順手攞戈舊錢買對新鏡仔lo
叫做開心返少少啦...但代價都唔細...兩晚有得訓and受傷....
其餘的錢...都唔知夠唔夠睇醫生...
鏡湖好貴呀...果然係通漲時代...乜都加...除左人工..
不過係依件事入面
其實都有d地方值得慶幸
一來係...發現原來妳真係咁好...
知我有事第一時間過黎照顧我...
雖然平時有啲扭計同鬧下情況...但係關鍵時刻你原來可以咁溫柔咁體貼...哈
同埋就係 原來自己黑到咁 都死唔去
比起四川d同胞真係好好多架喇....
以後渣車都要小心啲...唔好懶醒 貪快...
做人要負責...對自己人生負責...尤其對身邊關心你愛你的人
更加唔可以令佢地擔心同傷心...
要懷著感恩ge心去過每一天...希望我做得到~
文章定位：
人氣(83) | 回應(6)| 推薦 (
0)| 收藏 (
0)|
轉寄
全站分類:
不分類
