２０／３／２０２３＠＊～Ｅｔｈａｎ’Ｓ　Ｌｉｆｅ～＊

2023-03-20 20:32:08| 人氣1,647| 回應0 | 上一篇 | 下一篇

今日終於都同我阿仔佢地見面喇，而佢地稍後時間就會去日本旅行啦。。。

所以佢地都有問我有冇咩想買或者想要呀，不過我就暫時未有野好想買啦~？！

而今日行程主要都係以輕鬆為主啦，當然就係同我個孫仔好好咁玩下影下相~！！

至於我地大人就一齊食下野傾下計啦，是日行程其實都冇咩特別計劃要去做嚕～！！

阿仔大約11:30AM左右就o黎接我先，然後我地就一行人一齊去左元朗買野食~！！

事因同步之行中新抱仔又可以去行下超市買d野，之後我地就返去阿仔屋企食午餐～！！

同佢地見面一直都係好輕鬆好開心架，事因我地大家都有自然好直率好隨性啦~！！

唔會太計較大定要去做d咩負責ｄ咩咁囉，只要係幫到手o既大家都會願意出手去幫～！！

同埋我地一齊都會講下生活上同工作上各種問題，而且都會分享下d近排o既經歷同感受~！！

尤其係家族上陸續出現o既所有問題同變化，今次都有特登抽時間一齊去傾下分析下~！！

當然大家都依然希望日後會再有時間去搞聚會，只係我地都睇唔到短期內係呢個時候嚕～？！

今次可以話係傾計時間相對較多啦，所以可以將之前積落o黎o既問題一次過去傾下啦～？！

反正我地大家都係希望可以解決到人與之間個關係，不過有d野都可能真係返唔到以前~？！

至於下段時間都係同孫仔出去玩左陣咋，及後就返去屋企叫外賣一齊晚飯兼睇下電視～！！

畢竟今晚都有一個歌唱比賽可以一齊睇下，既然有呢倨機會同時間咪一齊聽下歌討論下~！！

我要檢舉

台長：Ｅｔｈａｎ～

人氣(1,647) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台