２２／６／２０２２＠＊～Ｅｔｈａｎ’Ｓ　Ｌｉｆｅ～＊

2022-06-24 19:54:20| 人氣6,366| 回應0 | 上一篇 | 下一篇

今晚呢一聚都真係最後一次喇，所以我阿沈今晚收工之後隨即趕去機場呀~！！

因為阿Ming同Kris佢地今晚就會上機離開香港，正式去英國展開佢地新生活呀～！！

之前因為疫情問題都停左唔少活動，同時都因為佢地冇打針而好多地方都唔去得~！？

所以我地變相係減少左好多聚會時間同機會，無奈呢日幾唔想都好亦都正式要到嚕～！！

我都明白阿Ming內心好掙扎囉，佢自己都一樣有好多唔想同埋放唔低o既野啦~！！

但係為左佢個小朋友同埋家庭選擇關係，佢都需要離開呢個成長之地重新出發嚕～！！

雖然我同佢唔係由細識到大呀，但係佢地都係我生命中兩個好重要o既朋友呀～！！

由第一日見面o個種一見如故開始，到睇住佢拍拖、結婚同埋生小朋友都好多經歷呀～！！

當然我自己內心亦都好唔捨得佢地離開呀，不過我都希望佢地新生活順利同埋平安~！！

至於今晚我地三個好朋友最終都有喊呀，我本身都諗住自己可以控制到唔會喊呀。。。

不過當大家離別o既感覺越強烈加埋大家最後擁抱o既時候，真係完全控制唔到自己心情~！！

畢竟大家每月仲會親身出o黎聚下o既朋友已經好少，而今晚大家都講左好多心聲呀～！！

由從前幾被動同埋就算好多野都唔願意講出口，自從有左呢個組合之後都有左改變呀～！！

今日一別都唔知幾時先可以再次合體喇，期盼我地日後可以一齊去英國旅行時再聚埋啦~！！

我要檢舉

台長：Ｅｔｈａｎ～

人氣(6,366) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台