＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

話咁快今年又到左最後一日喇，而呢一年繼續因為疫情而冇得去旅行啦~！！
不過朋友之間見面就依然有繼續啦，同時大家趁有機會就約埋一齊出去行下~！！

隨住大家都因為有左小朋友，所以好多時候都唔可以再好以咁自由出入喇~！！
今年繼續有唔朋友生日聚會啦，依舊會同每位可約見面o既朋友一齊食個生日飯～！！

年初時間本因為慶生飯局因為一ｄ問題出現左，而間接令我同司欣佢地少左見面～！！
而呢一次事件發生之後就令我變得比以往態度強硬左，所以隨後關係就點都有ｄ變化～！！

至於新年時間同埋節日時間，基本上都會同埋朋友或者親人一齊開心咁慶祝下~！！
畢竟都已經唔可以離開香港周圍去喇，所以可以做o既就左o係本地到四圍去行食下野～！！

至於重大變化可以話係自我生日飯局之後，畢竟每年都有唔少朋友會為我慶祝啦~！！
但係我身體狀況就比以往時間都差左唔少嚕，而且睇左唔少醫生又要不停咁覆診添呀～！！
事情既然都已經發生左亦都只可以積極面對，同時亦都開始改變左我自己o既價值觀～！！

今年繼續學習唔同野希望令自己進步，當然身邊朋友及同事都教識左我唔少野啦~！！
同樣都係因為呢ｄ人事問題或者感情經歷，令我對身邊朋友o既體會多左好多嚕～！！

無論係角色變化定身份唔同左，更令我開始去考慮三觀問題而去選擇朋友o既去留~？！
講到底都係希望自己重要同重視o既人依然o係到，但係關係都唔可以只靠單方面努力～！！
若然自問自己已經盡晒力去維繫都未有任何改變，或者呢段關係亦都只可以漸漸退下~！？

至於下半年時間亦有朋友舉行婚禮啦，呢次經歷之後亦都見返幾位好耐冇見o既朋友呀～！！
雖然佢地幾個都唔係我每年最經常見面o既單位，但係再次重遇個感覺依然良好喎~！！
人大左期望都已經變得實際同埋唔多，而我最希望o既就係身邊o既人可以健康快樂～！！