今年的確係經歷左唔少事情o既一年，而今年自己亦比往年特別多感慨～！！
今個年度先後都已經見晒所有好朋友喇，雖然部份單位就見得比較少～！！
不過每個月都依然有唔少單位會固定聚下，始終朋友點都係要見下面啦～！！
年初時間依然係由司欣打頭炮生日聚會，不過今年就多埋Beeus生日添啦～！！
事因為左慶祝呢個小朋友長大o既過程，我地鐵腳四人組每月都會聚埋慶祝下～！！
至於新年時間就重點單位點都會見下啦，畢竟派利是都係一個重點環節呀～！！
步入第一季尾聲時間就仲有事宜要忙，因為我大家姐於本年度正式結婚喇～！！
至於我又多左個外甥仔而令我生活模式亦有轉變，因為我都有抽時間陪下佢～！！
或者今年自己比較大o既轉變，就係阿仔中所講咁變得突然多左一份父愛呀～！！
始終我以前照顧佢o既時間都已經有段歷史，宜家多左ｄ小朋友出現於自己生活～！！
而首季最後時間就係Beeus百日宴啦，同時今年第一個演唱會亦都睇左嚕～！？
仲有阿沈生日今次就玩北上進行喎，其實我地呢個組合都係第一次北上慶生咋～！！
當然今年第一次正式同『男神』食飯啦，至於呢個開始亦成為今年一件特別事宜～！？
第二季開始當然又係慶祝Phoebe生日啦，當然阿妹生日都係同月時間進行啦～！！
至於『愛人』同埋Isaac亦安排於同月時間見面，雖則同佢地少見但就唔會陌生～！！
始終結婚之後仲要有埋小朋友之後，『愛人』成個人o既生活模式都變得唔同左呀～！！
至於本年度第二個演唱會亦陪同家人去左睇，雖然呢到頭兩次都係臨時拉伕去嚕～！！
不過睇演唱會個感覺得的確好正呀，事因我之後亦連有三個唔同單位睇左重點演唱會～！！
第一次睇Joey演唱會睇到咁多感覺仲要喊啦，或多或少都係同今年自己歷練有關啦～？！
及後就到父親節同埋自己生日啦，當然阿仔同埋各個重點單位都有同自己慶祝下啦～！！
比起往年時間有少少唔同左，就係今年突然多左一個有埋子瑜o既組合會聚下嚕～？！
同時今年都有同佢簡單咁慶祝一下生日，唔知點解呢樣野好似變左今年重點咁添嚕～？！
可能人大左就變得應該更加識珍惜身邊人同埋相聚時間，所以好朋友有得聚就去聚下～！！
至於阿仔今年生日都係重頭戲之一啦，事因今年會係佢成婚之前最後一個生日喇～！！
因為佢同阿Ming都將於年底結婚喇，至於我忙完上半年家人婚禮之後就到佢地兩位～？！
今年因應社會氣氛問題而令生活出現多左問題，尤其係我地要外出或者搭車方面啦～？！
前後經歷左兩次突然間封路甚至冇車搭狀態，忽然間真係好考自己對路線同路面o既認識～！！
當然我都覺得自己應變能力方面唔係差啦，而呢方面技能亦都同時適用於婚禮方面呀～！！
因應今年多左約唔同朋友出去見面聚會，所以自己呢一年都去多左唔少地方到行下呀～！！
特別係近年尾時間同鐵腳組合佢地去左海洋公園玩同住，事關自己都多年冇去過主題樂園～！！
而另一轉變就係自己比以往都少左買野，唯一一次狂買就係同家人去日本旅行o個陣囉～！！
除左年度同家人去旅行之外，最後一個月亦都連同鐵腳組合去左台灣一轉玩下輕鬆一下啦～！！
當然今次去o既經歷亦同以前有唔少變化，事關多左位小朋友陪同都令我地遊玩計劃唔同～！！
至於年尾時間終於都重玩返慶祝聖誕節，原來自己對上一次倒數已經係八年前o既事喇～！！
埋尾時間終於都約到Angela見下面啦，同時屈姐亦於附近時間搬離呢個一同長大o既地方～！！
至於兩個重點婚禮亦先後完成左，而兩場婚禮俾我個感覺都係好唔同但就同樣有好多感受嚕～！！
今年令我感動及感慨事宜就特別多呀，可能係因為好多人身份都有唔同轉變而令我更體會成長～！！
文章定位：
