＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

正藉Beeus一歲生日時間，早前都已經講緊點樣出去幫佢慶祝喇～！？
事因早前都曾經提出過幾個計劃，不過先後都因為唔同理由而擱置左～！！
畢竟宜家要出去遠o既地方都要小心考慮，始終近日時局依然好混亂～！！

至於日前大家終於就傾到一個方案，司欣話Beeus一歲生日點都應該玩下～？！
最終我地就book左間海洋公園o既酒店住返晚，第二日就入去玩返一次嚕～！！
原來唔講都唔覺大家都好耐冇去過主題公園，今次都應該係事隔左幾年～！！

我地第一日就係下午去到酒店會合，之後就o係附近到行下睇下兼晚飯～！！
事因司欣早都已經諗好晒有咩好做喇，所以我地只係跟住個方向行就得嚕～！！
今次圍埋大家都冇咩特別野要講，而主題就反而變成講返晒小朋友成長歷程～！！

當然部份家族事宜都有輕輕講下啦，畢竟再過冇耐之後就到阿仔結婚之日喇～！！
而我地幾個下個月亦會一齊飛台灣玩下，所以呢排都會見得多返ｄ時間囉～！！

至於第二日就主要去海洋公園玩返一日，可能個個都已經大個晒o既原因啦。。。
甚至自己心態都已經唔同左喇，今次我地幾個都完全冇玩過任何機動遊戲嚕～！！
園內活動主要都係睇下動物同埋影下相，完左兩日行程之後就一齊搭車返屯門～！！