＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今年時間又已經就到尾聲，而每年我地兩仔爺都會約過聖誕節啦～！！
所以今日就一齊去遊走唔同地方，為本年度最後一次見面留返個回憶～！？

不知不覺都已經到左12月喇，而每年呢個時間都會做返個回顧啦～！！
今年都唔例外一樣會跟返傳統去做，同時都會輕輕傾下來年o既方向～！！
畢竟家族年度計劃就仲未有正式落實，所以現階段都係傾下佢o既事宜～？！

今年大家都經歷左唔少事宜，當然呢堆經歷亦令到我地學到唔少野啦～！！
一直都好感恩身邊有班錫自己o既人，但我地都慨嘆親人有時都不及朋友～！！
或者人大左之後好多野都會去認真諗下，而人情世故呢部份就更甚啦～！！

至於我地今日先去左元朗食lunch，呢個部份就同佢傾下我稍後有個突擊～？！
因為Winnie約左我29/12晚出去同佢食飯，而呢個計劃原本係冇預算過～？！
加上阿仔都用左近半年時間同我偯過相關問題，始終佢都想我搵個人陪下～？！

就住拍拖問題今日都傾左唔少野出o黎，尤其係我內心心態裡面o既諗法～！！
至於個仔就真係最了解我性格同脾氣，所以佢絕對會明白點解我會咁諗嚕～？！

完左上段飯局之後就出發去大埔行下，因為呢到有個景點係今日第一站呀～！！
第二站就出左旺角到食下野兼買左ｄ野，隨後就過去灣仔睇聖誕燈飾及晚飯～！！
由於呢個時間真係好多人迫埋睇燈飾同影相，所以我地影左陣就離開左喇～！！

隨後就去食左個晚飯再過返尖沙咀，不過呢邊比我地預期中就仲多人呀～！！
所以我地根本影唔到ｄ咩就行下海傍算數，而今日都真係傾左好多內心野囉～！！

始終我個人性格同習慣都已經成左形，加上我又未至於對要另一半有好大渴求～？！
而且我又會對生活同埋責任有好多擔心，或者因為咁就更加令到我唔想改變～？！
再者亦因為身邊有ｄ人出現後令我有更多體會呀，所以我咪有更多不安諗法嚕～！！