＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

繼續每個月大家都會約埋聚一聚，而是次繼續都係三人行先啦～！！
我地約左出去尖沙咀食野，而且早前阿沈去完韓國又會派手信啦～！！

夾好左1:00PM出到去會合，至於我地每次見面都係咩都講下啦～！！
今次大家都係講講自己最近工作事宜，事因大家都有諗下前程問題～！？

當然關於感情事宜都會講到，至於阿沈最近有一個男仔同佢往來緊～？！
一講到關於感情方面問題，阿Ming同阿Kris結婚問題出樣都有講下啦～？！
其實宜家個個都希望有自己家庭，無奈每個人需要考慮o既問題都有唔同～！！

另外關於旅行外遊一方面，我地每次都同樣會探討一下有咩好去處啦～？！
雖然我地都未能一同旅行住，不過大家都會介紹一下有咩好去處可以玩下～？！

完左飯局之後就當然去行下街，事因佢地話想去睇下衫同埋護膚品呀～！！
行完左一輪行舖之後，最終我地就一齊轉戰去左睇眼鏡同埋我仲配埋添～？！
雖然之前已經有計劃去換眼鏡，不過一直都未睇得o岩款先唔換住啦～！！
不過今日難我睇o岩試完又覺得想有個新嘗試，所以咪趁機會換埋佢囉～！！