＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今年唔覺唔覺都已經完左三個月，而今日就輕鬆同阿仔出左去啦～！！
我地今o既日行程方面由阿仔負責，最終是日就係元朗半天遊～！！

首先我地就12:15pm去左元朗站會合，及後就先去食個lunch啦～！！
呢個時間主要都係俾我地講下近期生活事宜，加上我稍後就會轉工～！？
所以今次會面都談及多左關於生活同工作問題，同時都關心一下對方～？！

我地近日各自都有唔少問題要處理，至於今年o既佢盲真係好忙喇～！！
接住落o黎多個活動都唔會再有佢o既出現，而我都冇因呢樣野而嘈～？！
可能因為經過左咁多事之後，我都深深覺得用嘈去換o黎o既野已經唔重要～！！

同時我地今日都有談及下家族事宜，就住理性同感性兩個角度去討論過～！？
至於上段時間完左lunch之後，我地就先去睇返套電影輕鬆返一陣先啦～！！

及後我地就先後去左屏山同流浮山到行下，當然都有簡單咁影下相啦～！！
而是日最後一站就返出元朗到食日本野，呢個時間就講下近日電視節目～！！
事因近日一個講日本o既旅遊節目大hit呀，所以我地都有談及下旅行野嚕～！！

提到關於佢本年度大計一事方面，稍後時間佢就真係會去見營養師喇～！！
最終目的係為左咩都好，佢肯的起心肝去做至少都叫為佢健康行左一大步～！！