轉眼間又到左年尾時間，回想返過去一年的確經歷左唔少野～！！
加上呢一年又有好多唔同計劃要出台，慶幸今年可以全數順利完成～！！
年初時間主要都係同Fred圈朋友往來，畢竟呢段時間都有唔少活動～！！
雖則我已經比以前少出左好多，不過間中參與一下都可以放鬆一下嚕～！！
或者係因為年初時間，前後都同左唔少朋友或舊同事見面聚過一下～！！
至於本年度先後都有同過唔少舊同事有飯局，而主要都係交流一下近況～！！
而今年主打計劃方面就係同阿仔有關，事因我地全年度會玩唔同元素呀～！！
當中就有去下郊遊同埋閒遊一下，而高級場所晚飯局同各慶生環節亦唔少～！！
其實呢個計劃完全係因為及後唔可以再咁玩，所以我先決定今年就完場～！！
至於每一年唔少朋友生日都有搞下飯局，當然阿Ming佢地亦都唔例外啦～！！
而世俊今年亦都係其中一個主角，事因往年o既佢都並未有任何安排嘛～！！
今年雖則就冇好似往年咁同表哥佢地去過旅行，不過朋友方面就有兩次喇～！！
往年一向都有將呢個計劃擺落年度計劃，不過今年唔計劃就竟然出現左兩次～！？
當中一個好難忘o既經歷就係家族首個海外版慶生，事因四月係Phoebe生日～！！
及後o既大妹同埋阿仔生日當然亦都唔可以睇少，事因佢地轉去玩高檔次～！！
相信本年度內除左Phoebe生日之外，佢地兩個生日就相對較有睇頭喇～！！
而今年父親節同我正日生日方面，當然就由阿仔繼續負責去處理及安排～！！
正正就係因為呢個安排，反而令到我地見面次數於該段時間突然上升～！！
講到關於旅行方面一事，繼Phoebe生日o既台灣海外版生日後就仲有一轉～！！
其實今年前後同司欣及Phoebe去左兩次旅行，而第二次就係去左轉韓國～！！
而今年旅行o既同伴之中就有Jacky、屈妹同世俊，當然佢地係分開兩場次～！！
正正因為有左呢ｄ經歷之後，反而令到我對佢地各人了解都多左唔少囉～！！
至於有關演唱會活動方面一事，每年其實都可以話會有ｄ野係想睇下啦～！？
我今年就先後睇左三次演唱會，其中兩次就係同本年復出o既Raymond去～！！
同時今年亦係首次o係紅館睇住演唱會倒數，其實都係一個幾特別o既玩法～！！
而早前去左工作假期o既Angel亦於早前回歸左，當然我同佢都有會面啦～！！
但係屈妹於分手一段短時間後，又突然宣佈左復合兼於年底時間講埋結婚添～？！
雖則婚禮就安排左明年先進行，不過自後兩個消息都令到大家感到意外嚕～！！
至於屈姐生日方面繼續係細搞，唔經唔覺同佢原來認識左已經廿五年喇～！！
所以我今年趁住聖誕節假期同佢簡單慶祝，同時亦為我地o既友誼留個紀念～！！
今年可以話係比年都過我充實，事因今年o既行程真係都排得密密麻麻呀～！！
每一個月都會約見唔同朋友同陪下家人，當然年底o既聖誕節亦係程點之一～！！
雖然已經係臨近埋尾時間，而我今年想完成o既事宜亦都已經一做到晒啦～！？
最終環節當然就係要同阿仔有新共識，畢竟出年o既年度計劃亦要去準備～！！
今年的確經歷左唔少開心同難忘o既事情，但係需要面對o既問題當然都唔少～！！
正正就係呢個時間亦需要同各人配合來年各事項，慶幸我地好快已經有方向～？！
明白從前o既大家都已經日漸長大，期待來年可以繼續同大家過得充實又愉快～！！
2017年度熱播十大歌曲
01.許廷鏗-根(184)
02.鄭俊弘-十倍奉還(169)
03.鄭俊弘-迷(155)
04.HANA-忘記我自己(143)
05.吳業坤&JW-原來只因深愛著(133)
06.C Allstar-此刻無價(118)
07.陳柏宇-霸氣情歌(101)
08.譚嘉儀-陪著你走(98)
09.林奕匡-難得一遇(77)
10.胡鴻均-朋友身份(68)
文章定位：
