＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

當今日大家聚埋o既時候，我地都有講一句＂真係好耐冇見＂喇～！！
事因之前大家都各有要事去忙，而夾左o既期又因為有問題而要改～？！

至於今晚我地就夾左去天水圍BBQ，至於我都真係好耐冇玩呢樣野～！！
加上今次除左我同阿Ming呢邊五個都齊晒之餘，另外就仲有Kris三個朋友～！！
雖則大家都係第一次見面同埋一齊玩下，但感覺上都已經算係唔錯啦～！！

大家就約左7:00pm天恆會合左先，之後再一齊行入去目的地到嚕～！！
畢竟大家都係第一次去呀，所以個個都唔識路就寧願一齊去比較好啦～！！
至於各人去天水圍o既交通問題就由我搞掂晒，所以佢地都唔使煩嚕～！！

但由於今次都算係比較多人，所以我地圍內傾計時間就更加少啦～！！
加上今晚聚埋o既時間又唔算好多，所以我地都係講下近期生活同工作～！！
最多都係講下大家稍後仲有冇旅行計劃，其他深入少少o既問題都傾唔到～？！

今次燒野食情況已經比我想像中好，事因宜家做叉就已經唔同以前啦～！！
我地個個都覺得以前沚圍埋每人拎住支叉咁燒，係相對浪費時間兼食唔夠～？！
加上今日又有幾位＂煮角＂幫手整野食，所以大家都可以食得飽ｄ囉～！！

但最後因為阿沈明天有事關係，所以我同佢及阿Wing就要先行離開啦～！！
因為佢地兩位都要趕尾車返屋企，至於我就因為阿仔過開o黎就可以接埋我～！？
所以我就可以順便車埋阿沈落元朗搭車，而我就同阿仔趁機傾左陣計啦～！！

事因佢剛剛去完日本旅行返o黎，所以佢就要把握時間去派手信俾大家～！！
所以又撞正我去左天田圍到玩咪車埋我走，同時佢屋企又出現左問題頂傾～？！
我地即時就傾左少少關於佢屋企o既事宜，同埋稍後已約左時間o既初步安排～！！