＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

自從去完旅行之後一直都冇聚過，終於俾我地夾到今日一齊聚一聚～！！
雖則今晚就只有我、司欣同埋Phoebe三個，但就可以趁機講下秘密喇～！！
而今晚我地就決定去友愛到晚飯，因為呢到開左間新o既韓國食肆嘛～！！

事因Phoebe有單野暫時都係得我同司欣知道，所以圍內傾盲最安全啦～！！
至於今日會面就先講左屈妹結婚一事先，事因呢件事都係需要大家出席～！？
及後就講到Phoebe稍後個畢業禮影相聚會，呢樣野亦都需要開始著手去傾～？！

始終十一月同埋十二月時間都唔多，所以就先要協調好晒o黎緊各個安排～！！
至於今轉除左談及以上兩件要事之外，另一重點都有提到再去旅行一事啦～！？
畢竟之後Phoebe就相對較難再同行去住，所以趁大家仲自由咪要夾下嚕～！！

雖然就話夾埋去多一次旅行，不過我地是次夾呢轉都係為左陪下朋友啦～！！
事關Phoebe去台灣係做治療同手術，所以我同司欣夾到假就會陪佢去囉～！！
加上Jacky宜家份工又比以前難抽身左，大家做好朋友幫到咪盡力幫下忙嚕～！！

現階段好多野雖然都叫左有初步定案，但最終日期及係咪落實仲要睇好多野～？！
所以呢Ｄ決議案都只係做好晒預計同度好安排，萬一要正式落實就唔使太煩嚕～！！

另外今次會面除左講到以上問題之外，司欣都有再次談到真係想轉工一事啦～！！
而且佢又話想去學Ｄ手藝當幫補收入嚕，就住呢方面大家都有一齊探討下～？！

至於今晚完左晚飯之後，我地早前都有夾過話會去友愛商場頂到影下燈飾啦～！！
事因早前睇報導話呢到整左個燈飾佈置，雖則係細但都決定去影下留個念啦～！！

最後就因為司欣之前有Ｄ野叫左Phoebe幫佢整，所以我地最後都上左佢屋企啦～！！
拎埋Ｄ野同埋傾多一陣計之後都差唔多時間要走，至於台灣行一事將於周一決定～！！