＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

宜家的確少左好多走左市區食飯，除非係某Ｄ特定朋友聚會啦～？！
雖則早前先一齊睇完演唱會，今晚再一次約埋出去食返個晚飯喇～！！

事因我之前一直想試『鼎泰豐』呢間餐廳，但無奈一直都未有人陪～？！
但日日前問開Raymond有冇興趣一齊去試，佢好快就應承左得喇～！！
所以今日咪專登長途跋涉咁出左去銅鑼灣，事因佢今日要開工嘛～！！

約左7:00PM會合埋之後就去食飯，而是次主打都係講返生活話題～！！
佢早前因為表現問題而唔見左近兩年，復出後暫時情況都係算理想啦～？！

其實我地最主要都係討厭下近日發生o既事宜，當然都會講下身邊人～？！
至於佢就想去返轉台灣旅行，所以現階段佢盲想計劃於年底睇下成唔成事～？！
不過佢要放大假相對就比我容易，而我都仲要睇下實際情況係咪許可嚕～？！

至於好快咁食完個晚飯之後，我地就去行左陣商場兼食埋個糖水先啦～！！
畢竟佢話當時時間仲係尚早喎，所以就諗住再坐低傾多一陣計先再散囉～！！