呢個星期工作上都比較唔順利，而且仲搞到我心情變得唔太好啦～！！
至於今日就同阿仔加場會面，所以心情都會由唔好變得唔錯囉～！！
不過今日天氣就的確唔好喇，事因全日都落住非常大o既雨呀～！！
我地每次會面都希望可以影多d相，但今日因為天氣問題就唔得～？！
至於今日加場係有特別原因，事因阿仔想提前同我慶生兼慶祝父親節～！！
今日全日行程都非常簡單，加上整個安排都係由阿仔自己負責啦～！！
佢大約12:00pm左右就開車o黎接我，而第一站盲先去左Vcity到食野～！！
其實呢個行程係因應左天氣而改變，事關佢原計劃係打算去屏山o架～！！
我地lunch就去左食日本野，而呢個時間主要都係講下家族事宜先啦～！！
畢竟之後有好多計劃已經傾緊，不過就連我都未知有幾多個最終會落實～？！
至於最近發生左o既事當然都有提及，畢竟佢都需要更新一下資訊嘛～！！
完左呢部份時間之後，佢就要先將架車擺返去屋企先再轉戰下一站嚕～！！
而我地中間都o係兆康到傾左一排，至於問題就返左去佢從前o既心態喇～！！
事關阿仔自出道之後都冇反叛期，我咪問及佢假如可以從頭再o黎過佢會點～？！
佢都深明自己一直都係做緊一個乖乖仔角色，而且呢個感覺亦為人討好啦～！？
但佢就同時覺得自己因為咁而錯過左好多野，假如從新o黎過就點都會有唔同～！？
及後我地就要起程轉戰今晚晚飯地區，事因佢就安排左我地出尖沙咀食野啦～！！
而o係未去晚飯之前，我地就先去左海港圬到行左一陣街兼去食左個雪糕啦～？！
而佢亦有一d有關生活上o既野想問我意見，主要都係關於佢日後婚姻問題囉～？！
於早前時間佢都的確多左同我講有關事宜，而今次就更加直接咁去解決某d問題～！？
新一代始終有佢地生活模式同諗法，同住呢個問題的確會加劇兩代關係惡化～！！
至於晚飯時間就去左THE ONE一間西餐廳到食，當然環境同埋野食都真係唔錯～！！
已經相知相識左咁多年o既我地，其實可以話係無乜野唔可以唔俾得對方知道～？！
我地經歷左咁多野先o黎到呢個階段，所以晚飯時間亦都回顧左唔少曾經o既事宜～！！
睇住佢一路成一路變得更有自己o既想法，其實作為我個角色都好替佢感到開心～！！
當然我亦一再提醒佢千其唔好忘記自己，我可以理解佢仍然有唔少理想想去做～？！
經過呢轉對話之後就令我更明白佢內心想法，而我亦覺得趁自己仲可以做就去做～！！
文章定位：
