今個月屈妹都係生日，所以我之前去台灣都應承左佢會同佢慶生～！！
加上佢又好耐冇見過我個仔，所以我咪將佢地兩個約埋同一日見面～！！
不過今日全日行程就分做上下兩段，因為上段時間只我同我個仔啦～！！
而我早前就已經計劃左同佢去山頂食午餐，但佢事前當然就係唔知啦～！？
我地約10:30am一齊搭960出去，及後出到中環先話佢知目的地嚕～！！
而去程主要都係先講下未來校友會事宜，再者我地都有談及工作上o既事～！！
雖則呢兩個話題唔係講得太耐，但我地都已經叫做了解左大家近況啦～！！
之後我地就轉為講講關於感情問題，加上早前阿仔又鼓勵我諗野要正面～！！
所以就住呢方面今次都有再傾一傾，當然中間仲有少少苦水會向對方呻下～！！
去到目的地之後當然就係要影相，之後我地就回憶左部份近年o既活動啦～！！
尤其係山頂呢個地方就真係相對少o黎，而我地上一次o黎都已經係數年前～！！
講返大家近年一齊o既經歷，同時亦都有提及到本月同佢一齊開心o既經歷啦～！！
或者我地都覺得轉左個角度去諗一諗，大家都應該會生活得相對開心ｄ啦～！！
加上我地上年又一齊去完旅行嚕，呢個共同經歷又的確係一件好重要o既事啦～！！
至於完左上段飯局時間之後，我地就行左去附近一個公園到影下相同玩一陣～！！
畢竟難得上到去山頂就梗係影下相啦，加上我地趁住中段時間可以玩下外景～！！
正式完晒上段要做o既事之後，我地就轉戰落左去銅鑼灣到行街買禮物囉～！！
事因阿仔話想準備返份禮物俾阿妹，所以我地咪計好埋時間去搵禮物嚕～！！
買完野之後就梗係要去搭車準備下段啦，事因今晚就要去尖沙咀食晚飯嘛～！！
約左7:30pm去到THE ONE會合，事因我早前已經準備好晒今晚o既安排啦～！！
三個人會合左之後就一定要影合照啦，加上個環境又令佢地覺得好陶醉啦～？！
我地大家今日都係傾下感情同生活事，同時我地又分享左好多揀對象o既要求～？！
而且屈妹今次就真係大爆左佢同我地去台灣o既心聲，聽落就似乎唔係太正面嚕～？！
至於佢地兩個今日就好夾咁一齊抽我水，再者我地又玩互串同埋互相抽水呢～？！
成個氣氛都真係好好笑同埋好開心囉，而完左飯局之後就一齊慢步傾計去搭車～！！
正正因為我地三個都係冇咩所謂o既人，所以我地呢個組合都的確係相處得舒服～！！
不過今日阿仔整體表現又俾我睇到ｄ野，而有關問題我都有同阿妹講一講啦～！！
佢近年因為生活同工作關係令佢急速成長，但其實佢長大又成熟左的確係好事～？！
不過今日竟然就突然變得好口齒伶俐，所以佢呢轉個表現都確係令我眼前一亮嚕～！！
文章定位：
