＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

每次Joey開演唱會我都一定會去睇，當然今次亦都係唔例外啦～！！
不過今次佢就o係灣仔演藝學院到開show，事因今轉係唱side track呀～！！

好多時候佢去紅館都已經係難買飛，幸好我今次就有朋友幫我內部拎飛～！？
呢次個場就唔似以往紅館咁大，但係我地今次o既飛就係坐得勁前囉～！！
話明係side track演唱會就梗係冇唱派台hit歌啦，但我當然就好多都識啦～！！

今次睇呢個演唱會都夾左好耐先搞掂個期，事因我地都擔心返工問題～！？
加上我稍後時間又要去旅行添，所以我就更加驚會撞左期而睇唔到～？！
畢竟就算係內部拎飛都係冇得揀日子，所以事前我地都有傾過呢個問題～？！

至於今次睇演唱會除左我同阿仔之外，呢轉仲多埋新抱仔加入今次活動～！！
同佢地食飯次數都或者有好幾次啦，但係三個人齊去睇演唱會就係第一次～！！
以往每次睇演唱會都係有阿仔做鐵腳，所以今次有得睇就梗係一定預佢先～！！

我地今日係約左5:45PM去到灣仔會合，及後就梗係去食左晚飯先入場啦～！！
所以我地呢轉都特登預鬆少少時間，加上入場之前又要去排隊換CD呢～！！

一齊食野主要都係談及下生活事宜同工作，再者呢幾日Fred又爆左鑊呢～？！
就住呢一堆事宜今日都有同佢地講下，加上我都會想聽下佢地o既睇法囉～！！
正正因為呢次件事就令我計劃有變，原本想諗住抽身都唔可以離開住啦～！！

至於今次約埋主要都係睇show，所以真正傾計o既時間都唔係太多啦～！！
完左晚飯之後就慢慢行過去會場，之後咪換埋CD再影埋相做留念先入去～！！

由於我地坐得非常之前，所以我地今次同Joey個距離又真係好近囉～！！
成場演唱會o既氣氛都真係好正呀，大家都睇得好投入同埋好開心啦～！！
雖則佢地兩個就唔夠我對佢o既歌咁熟，但今次o既歌都唔算真係好冷門～！！

完場之後我地盲一齊行返過去會展搭車，返到屯門之後同阿仔傾返幾句～！！
事因我地最快都要去到月尾先見面，有咩問題都要等到o個陣先可以詳談～！！