＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚收工之後就約左世俊，事因佢早前約左我陪佢出去拎衫～！！
早前時間佢就話要造衫所以咪陪佢去左一轉，而今晚就係出去埋尾～！！

佢同上次一樣o黎醫院等我收工，及後咪行去搭西鐵出去尖沙咀囉～！！
期間都係先講下近日娛樂圈ｄ野同自己近期o既趣事，主要都係笑一餐～！！
當然呢期真係好唔開心o既事都有提及下，不過就唔係講左太多囉～！！

出到去之後首要就梗係去拎野先，等佢試完身覺得冇問題先去食野～！！
而呢個部份主要都係講下生活事同感情事，而佢都有講左ｄ野俾我聽～？！
我明白佢宜家仲係年輕當然對某ｄ野有需要，但萬一真係出事都要諗計～？！

至於佢宜家諗野都比以前大個左，加上佢近年都真係有去計劃下未來啦～！！
就住呢堆生活問題大家都有交流下，而且我最近同琪琪關係上又出現左變化～？！
當然我都有就呢方面事宜同佢講講，再加上佢俾ｄ意見我去一齊分析下啦～！！

完左晚飯之後都差唔多時間要散，而佢就因為仲有下一場而未返屯門住嚕～！！
不過佢就有陪埋我去搭車先走，而呢部份時間主要都係提到佢想轉會o既問題～？！
有可能佢下年就轉至我旗下做訓練啦，但我都事先聲明左自己o既要求同做法～！！

有時ｄ野就真係咁奇怪，始終都係要經歷過失去先會知道自己到底想要咩～？！
佢表示自己都調去跟過唔同人喇，但最終都係覺得對住我就最自然最放心喎～！！