＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

自從上次我o既生日飯局之後，今晚就再一次同屈妹見下面啦～！！
畢竟上一次都有ｄ野未傾完，所以趁大家有時間咪再約下囉～！！

今晚約左6:30pm去到市中心會合，之後陪佢行左一陣街啦～！！
事因佢又有目標想去買呀，但最終因為缺貨關係而未能如佢所願～？！

我地見到上下時間都差唔多可以食野，咁咪行左過去何福堂o個邊～？！
事關今晚我地打算去食上海野嘛，當然食飯時間就係吹水時間啦～！！

首先我地都係講下工作上o既事宜，特別係關於我最近轉左工o既野啦～！！
及後就到佢講下自己身體上o既問題，因為佢又係工作而令身體有勞損～！？
但佢就話早前已經去睇左醫生，稍後時間亦都會再做進一步檢查囉～！！

完左晚飯之後又見時間仲早，所以我地就決定坎食埋個糖水先走啦～！！
呢個部份時間就主要都係講下家族o既事，特別係關於屈姐個經濟問題～！？
同時我地又講到關於旅行o既事情，雖則我地現階段都未有長途旅行計劃～！！
但早前一堆計劃中o既旅行或出外玩，直到宜家都仲未有一個可以正式落實～？！ 

另外今日我就分別搵過阿仔同世俊想佢幫我明天去做件事，但最終由世俊負責～！！
事因阿仔就話自己近期都比較忙行唔關，所以我先再決定搵世俊幫我手搞啦～？！
正正就係因為接二連三o既問題都涉及到個仔，所以今晚都有同阿妹傾下囉～！！