＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今個月生日飯局排得好滿，基本上每個周六周日都約晒人啦～！！
而今晚就約左兩個都好耐冇見o既人，而以往就都有合作嚕～！！

事因佢地都係青山o既舊同事，只係佢地都已經先後離左開呢到～！！
好快就連我自己都將會離開，所以今晚大家都有講到從前日子囉～！！

今晚約左Tina同埋Issac出去旺角晚飯，事因Issac話有好介紹嘛～！！
所以我地咪趁今次一齊去試下，當然晚飯同埋糖水都係由佢負責搵～！！

圍埋最先都係講下最近生活事，而Issac早前就去左柬埔寨旅行啦～！！
所以佢就講述下當中o既經歷啦，同時我地都有講下話一齊去旅行囉～！！

至於Tina方面就因為感情出左問題，所以佢就連日o黎都冇咩心情啦～！！
但係今次o既問題全因佢自己造成，而佢自己亦清楚知道問題出o係邊到～？！
關於意見方面就已經俾晒佢啦，但最終點樣去行就交返俾佢自己決定～！！