今日係農曆年初三時間，所以照返以往慣例都會同阿仔一齊團年啦～！！
同上年一樣都係安排左早上去飲下茶，當然同場o既就仲有新抱仔啦～！！
首轉大家都係講下工作同生活事，因為我同新抱仔始終都係同公司～！！
之後我地就轉為講下近日有咩新聞同埋有咩好玩，事因大家都係志在分享～！！
加上我地又計劃約埋一齊去唱Ｋ，所以今次都有談及下唱歌同埋聽歌嚕～！！
而o係完左呢個環節之後，我同阿仔就一齊送新抱仔返公司到準備開工啦～！！
至於我就陪左佢出去沙田一轉，事關佢準備左份情人節禮物要出去拎呀～！！
呢段時間我地就真係傾返自己野，畢竟今年都有好多決議案要佢知道啦～！！
今年多個計劃同埋活動趁住今次做左預告，稍後時間就梗係會一一落實喇～！！
畢竟當中有o既活動計劃衽面有大型，同時亦有部份只係涉及我同佢兩個啦～？！
除左傾下年度決議案之外 ，當然我地亦不忘講下最近身邊人所發生o既事啦～！！
加上我都有同佢傾下關於努力同埋回報等問題，又傾過下與身邊人相處等問題～！！
當然佢自己都覺得時間好合時且唔算難捱，由做新人至今都係努力左就有回報～！？
不過佢都知道好多時做人就算努力左都未必有成果，所以佢慶幸自己一直算係順利～！！
至於阿仔完左同我o既上半場之後，佢就會轉戰去天水圍同佢班朋友聚一聚啦～！！
由於初六就會有Fred新碟簽唱會，所以趁住今日有時間當然夾埋到時點做啦～！！
至於下段時間又返屋企換衫關係，所以我地拎完野之後就隨即搭返車返屯門～！！
Phoebe同埋Jacky就約左我出去玩AIA，加上就肯定想傾埋關於旅行o既事呢～？！
事因司欣上次明知約出o黎係要傾野先o黎甩底，所以已經引起大家對佢感到不滿～！！
早前佢地兩個就打算飛起佢唔預佢一齊，但我就希望佢地係咪可以考慮用其他方法呢～？！
畢竟呢個旅行都已經傾左好耐喇，加上日後係咪仲有機會咁樣外遊都真係未知之數～？！
難得大家仲可以有機會聚埋又好旅行又好，我都成日同圈中人講真係要好好珍惜呀～！！
始終宜家好多人身份同關係都唔同晒，仲想可以好似以前咁都已經係好難o既事喇～！！
不過佢地就仲未正式諗好最終決定點做，現階段分分鐘連個旅行都唔能夠成事嚕～？！
至於玩完AIA之後就係晚飯時間，我地大家都分享左最近同家人相處o既問題啦～？！
不論係阿仔定係佢地兩個，我地大家都覺得同老人家相處的確係件唔容易o既事呀～？！
文章定位：
