＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚約左好耐冇見o既阿Ming出旺角食飯，至於同行o既仲有佢兩個朋友～！！
而呢兩位朋友上次食飯都已經識左，不過今次目的原本唔止四人食飯啦～！？

事關早前我突然知道佢拍拖，所以咪講笑咁叫佢介紹下佢男朋友o黎識囉～！！
點知佢就好快手咁就約左今晚個飯局，但係主角就竟然冇同我地一齊晚飯～！！

我地約左7:00pm出去旺角新世紀會合，及後好快手咁就去左小南國到食～！！
大家主要都係講下自己o既生活同工作，當然旅行呢個話題就梗係都會傾下啦～！！
加上大家對自己都工作點都會係唔滿意，所以我地都有互相呻下同埋講下意見～！！

至於阿Fred方面就只可以同阿Ming講下，而且佢都話拍拖後就少出活動o架喇～！！
畢竟偶像同埋現實始終係兩回事啦，但係我都好認同佢將兩者分得清楚同埋理性～！！
而我自己同佢呢方面都好相似囉，雖然都係喜歡但就唔至於瘋狂到唔理現實生活～！！

晚飯之後原定就話去食糖水o既，事關我地都諗住呢部份阿Ming個男朋友可參與～？！
雖則最後我地都只係去左附近行下，但佢都有安排到主角出現同我地見一見面再散～！！