＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

一連兩晚o既慶祝活動o黎到最後一日，而今轉並唔係再玩斯文靚仔喇～！！
因為今晚將會好盡興咁去睇演唱會，同時今轉亦會為佢本年度生日寫下句號～！！

夾好左阿仔5:00pm過o黎會合我先，之後就一齊搭車出紅磡食少少野先啦～！！
由於阿仔最近已經開始左減肥計劃，所以佢呢段時間o既夜晚都將會節食呀～！！

尋日就傾左好多好深入o既感受，同時又回憶返唔少以往o既經歷同埋片段～！！
發覺人來人往o既社會之中需要學會感恩同珍惜，而今晚呢個演唱會正有此意～！！

我地去左睇Joey & Hacken演唱會，而呢個組合亦都係我地第一次去睇啦～！！
雖然我地都已經唔係第一次一齊去睇show，但我地仍然係充滿期待同激動呀～！！

今次個show真係好正好正，因為佢透過一堆歌曲以一個講故事o既形式去表達～！！
當然兩位歌手o既表演亦都非常精彩啦，聽返好多歌曲之時當然勾起唔少過去啦～！！
除左諗返起好多細個時候所發生o既事宜之外，同時亦都諗返起唔少曾經o既人物～！！

十二年時間話咁快就已經過左去，當中仲留低o既人同物都應該好好繼續去珍惜～！！
因為當中o既一切經歷都見證住唔少o既感情累積，或者人大左就會有呢Ｄ感慨啦～？！
隨住本年度各個慶生計劃相繼完成，接住就係埋尾o既節日慶祝同明年度計劃o既開始～！！ 

今晚兩大主角十二年前一首〝刻不容緩〞，就開始左佢地o既認識同埋合作之路啦～！！
今年再有一首〝世界真細小〞令佢地再度合作，同時亦印證住我同阿仔o既路都係咁～！！
十二年前一個選擇令佢正式出道做阿大，十二年後坐o係我隔離一齊睇演唱會依然係佢～！！