＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

日前開始已經陸續有人約我，事因我呢期係忙住要同各方好友食飯嘛～！！
主要都係身邊o既朋友都好心，知道我生日o既時候通常都會約我食餐飯～！！

至於今晚呢餐飯都係好短時間內促成，畢竟大家返工時間唔同都係比較難就～？！
所以今晚就有我同司欣及子瑜一齊晚飯，而佢地亦都成為左第二場o既主角～！！
至於今轉晚飯就約左6:30pm去到市中心會合，餐廳就已經定左去食Pizza喇～！！

雖然近年都已經唔似往年咁大搞，但我就覺得佢地私下有心約我已經足夠啦～！！
今晚主打話題就梗係先講下旅行先啦，事關子瑜計劃月底會自己去台灣玩～！？
不過我地月底亦已定左搞Camp啦，加上我地又真係好想佢可以一同參加呢～！！

另外一方面就梗係講下近日生活同工作，大家都對自己現況覺得有Ｄ厭倦喇～！！
可能大家都唔係太喜歡宜家份工，所以我地都好想轉換下環境俾自己試下新野～！！

而講到生活方面o既時候，大家突然都好感慨時間過得好快兼自己都大個左喇～！？
特別o既係大家都對友誼及家人都睇重，或者呢Ｄ就係成長中o既經歷而成熟左～！！
以前好可能有好多野大家都好想試想玩，但長大左之後更加明白到咩先係重要啦～！！

而且近年圈中唔少人都有另一半，所以就更加唔似以前咁可以成日一齊圍埋玩～！！
變左最近大家都希望可以搞返下聚會，俾大家可以有個理由去玩下同埋傾下計啦～！！