＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

繼續出席唔同人o既生日活動，而今個月打頭陣同我會面o既就係今個月生日o既表哥～！！
其實我地都唔會係好常會見到面，所以我地都只可以揀Ｄ節日或特別日子先可以一聚啦～！！

正正今個月就係佢o既生日，所以我地早前就夾好揀左今日下午一齊去唱Ｋ當慶生啦～！！
至於今日同場出席o既就仲有表嫂同埋佢細佬，而我地呢個四人唱Ｋ組合當然都唔係第一次～！！

是次活動o既地點就揀左出去APM Neway唱，事因佢地三位完場後仲有其他飯局要去嘛～！！
今次主力唱o既當然係主角同埋阿King啦，而我就只係好求其咁唱左兩三隻歌就收工喇～！！

圍埋傾計當然會先講下近日生活事，之後就會轉為講下我地o黎緊有咩旅行o既計劃啦～？！
畢竟近幾年我地每年都會組埋去一次旅行，而今年我地就仲未就有關事宜去正式傾過呀～？！

我身邊o既朋友或同事當然都已經飛完晒，至於我到宜家為止都仲未有計劃過去邊到旅行啦～？！
或多或少今年旅行計劃都受到我身體問題所影響，而我家人本月尾亦會去一轉泰國選行喇～！！
由於是次家庭旅行已於早前計劃好兼我又唔可以落實，所以我今次就唔能夠跟佢地一齊去玩～！！

雖則泰國我自己都未去過兼且都叫做有少少興趣，不過我相信之後要去都應該仲有機會o既～？！
至於今次我同表哥就開始傾緊年底去邊玩好，而初步計劃都應該都會係日本為主打o架喇～！！

雖然我地前年先去過一次日本，而今次行程o既計劃方面就絕對唔會翻炒上次去過o既地方～？！
另一方面．．．韓國o既斧山、台灣及泰國今次我地都有提到，不過現階段都仲未有正式定案～！！
至於有關計劃長程旅行方面，今次我地都已經開始傾緊兼且都會向住歐洲線等o既國家去考慮～！？