２８／３／２０１５＠＊～Ｅｔｈａｎ’Ｓ　Ｌｉｆｅ～＊

2015-03-28 18:27:31| 人氣41| 回應0 | 上一篇 | 下一篇

今日我都知道自己心情真係唔係太好，所以我都只係打算留o係屋企執下野啦～！！
但係早上就有好幾位朋友同我wtsapp喎，期間當然都會講下復工後o既心情啦～！！

無可否認復工之後心情就更加唔好，或者係因為仲未完全適應返到個感覺啦～？！
又或者係最近都有唔少事仲未解決o既關係，所以我仲需要少少時間去消化呢一切～？！

至於下午時間就應屈妹約出左去，事因我地今日下午都有時間可以見面傾下計嘛～！！

雖則我地兩個都唔係有咩特別要想做，但佢就想趁大家有時間就不如一齊行下傾下計～！！

大約2:00pm左右落左去同佢食lunch啦，及後就先提到佢最近返工o既不快事啦～！！

至於我就稍後時間先再將部份問題同佢講，首先就講講最近返工之後o既感覺嚕～！！

畢竟我都有一段時間唔使好趕咁做事，所以我都知道自己已經適應左較慢o既節奏～！！

至於上段時間就有阿仔及『愛人』搵過我，出奇地佢地搵我反而就俾左一種落差我～？！

經過左好多事情發生左之後o既我，開始覺得自己對感情同埋好多野都睇得好淡喇～！！

甚至連自己曾經覺得好在意o既事或人，我最近都開始覺得唔係以前o既一回事添喇～？！

咁到底係我已經唔似以前咁在意，定還是係我已經開始唔想再去為左咩而在意呢～？！

加上最近o既感情問題當然亦係今次會面中有傾，可能真係因為大病後經歷而改變卦～？！

我已經唔想再好似以前咁太在意一Ｄ事，或者咁樣做會令自己開心Ｄ同埋冇咁大壓力～！！

正正亦都因為最近太多唔如意事發生，更加令我對自己o既生活同將來好好咁去諗下～？！

我已經唔似以前咁對自己份工咁有鬥心，畢竟我想o既只係簡單生活同埋過得快樂健康～！！

我要檢舉

台長：Ｅｔｈａｎ～

人氣(41) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台