今晚個期原本係約左阿仔做meeting啦，所以今日原先係冇約任何人出去啦～！！
下午o係屋企到打算做下自己野兼休息下，突然琪琪就打o黎同我講話今晚有飛多～！？
其實呢個show我之前都有send email去抽飛，但最終都知道自己同圍內人唔中啦～！！
既然我識o既圈中人都抽唔中就算數啦，加上我對呢Ｄ野都比較平常心去面對o既～！！
所以我最終就搞到要好趕急咁出去會合琪琪，而且我仲要通知阿仔今日個期要改動呀～！！
由於琪琪打o黎同我講會合埋佢先出去，加上佢又想我事前搵左Fiona拎左堆電芯先～？！
所以我隨即就打俾Fiona諗住睇下點安排，點知最終Carmen同Fiona都未能及時聯絡到～！！
及後我就去左萬寧買左盒維他命沖劑俾琪琪啦，事因我知道佢呢幾日都有少少唔舒服嘛～！！
至於我地就約左4:15pm去到天水圍西鐵站會合，及後咪要一齊起程過去目的地先囉～！！
同時o係去程時間就梗係分別收到Carmen及Fiona搵我地，事因我地要夾返拎電芯問題～？！
而Fiona最後就要趕出o黎美孚同我地做交收，因為佢今晚唔會入去TVB到睇show嘛～！！
交收完左之後當然就要去買返少少野食先啦，畢竟我地今晚係唔會有正式晚飯時間o架～！！
另一方面．．．
由於我今晚同阿仔做meeting個期需要變更關係，咁樣我地就要即刻傾傾點處理先啦～？！
加上佢今晚又咁o岩o係香港喎，所以我就特意叫佢今晚入去TVB到車我返去屋企啦～！？
由於佢從來都未去過TVB兼唔係好熟路，所以我同佢事前都做定堆功課先就比較穩陣～？！
我盡量將我認識o既路線同行法教左佢，至於佢自己都同時要諗下點樣set落個GPS到啦～？！
至於去程方面當然同琪琪都傾左唔少野啦，而我同佢之間o既問題其實圈中人亦知情啦～？！
所以佢今日肯打o黎約埋我去都已經夠晒意外，我地今轉主要都係談及到感情與關係等事宜～！！
其實關於到我同佢之間o既事宜，早前我都已經先後搵左唔少人問過意見同埋處理方法啦～？！
加上我地今日談及到o既問題都比較敏感，所以我自己都覺得佢係知道有野兼唔抗拒嚕～！？
好多人都認為我地需要再進一步了解先好開始，加上我地現階段就好似做緊測試咁樣囉～！？
已經一次又一次咁玩測試對方反應，加上又特登傾到Ｄ好深入o既問題去睇下對方諗法～？！
雖然我宜家都未好肯定佢係咪有意思，不過我自己為左安全起見就選擇唔亂行動住囉～！！
而且下星期六又係歌迷會gathering關係，所以就算我近期唔出活動都唔會有咩問題啦～？！
但係琪琪今日就同我講左佢原先都唔會去今晚個show，但最終點解去就始終冇正面答我～？！
至於散場之後o既回程方面，阿仔就提早左o黎到TVB外面到等我出o黎準備接我走啦～！！
當然我事前都已經同琪琪講左有人o黎車我走，所以我就叫佢跟埋我車一齊返入o黎啦～！！
由於今晚個show完場之後就可以即散，而幾位工作人員睇晒班Fans散晒後就可以走～？！
咁樣我同琪琪就梗係照原定計劃走人啦，同時Carmen知道我有車o黎就梗係跟埋我地～？！
其實我都開始睇得出佢地同Christine關係有Ｄ唔同左，但係我就梗係唔會講太多野住啦～！！
由於今晚我地有車o既關係，加上阿Fred又係自己開車離場o既關係就出現左個好笑場面呀～？！
事因我地要先出返去東九龍而大致上都會同路走，但係我地兩部車就多次平排o係一齊喎～？！
再者佢地又唔可以俾阿Fred見到，所以呢個勁好笑o既場面就搞到我地大家都笑到收唔到聲～！！
先後送晒佢地兩位返去屋企之後，當然就到我地兩仔爺正式抽個時間去傾返下自己野先啦～！！
畢竟稍後時間都未有期可以夾到，所以我地最後都決定去M記到食埋個宵夜兼傾下計啦～！！
我將最近期發生o既所有事都同阿仔交代晒，加埋今日o既突發野就更加要同佢講一講添喇～！！
一直好了解我o既阿仔當然全程冇出到任何意外，不過琪琪就對我地o既關係有Ｄ好奇嚕～？！
文章定位：
