＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

大家一齊開開心心咁迎接新一年o既開始，所以今晚亦都有本年度首個慶祝生日活動啦～！！
至於每一年打頭炮生日o既主角都係司欣啦，有見及此就令到大家覺得不如搞返個活動啦～！！

事關大家o係2014年都過得麻麻呀，所以大家都希望珍惜時間同埋珍惜快樂o既時光囉～！！
而今次除左主角、我同埋Phoebe之外，另外就仲有阿仔、世俊同埋子瑜一齊為司欣預祝～！！
原定今次活動係應該仲有兩位朋友有份參與，但係今次Jacky同埋Eddie就因事未能出席嚕～！！

至於其他成員方面就暫時未有約埋佢地一齊玩，事關今次出席名單都係由主角負責去揀囉～！！
或者經過近年度o既問題之後都及現需要調整到場人選，所以佢地最終先有咁o既安排啦～！！

而我同阿仔當然活動前就見左面先，畢竟今轉都係2015年開始之後首次我同佢會面嘛～！！
所以我地事前就約左5:30pm去左市中心會合先，及後就陪佢買左少少野兼送餐去俾人呀～！！
由於新抱仔日前就開始病左o既關係，咁樣阿仔就特意準備左野食送過去佢屋企到俾佢囉～！！

及後我地就開始做返個2014年總回顧，加上傾下對於2015年o既期望及各個未來o既計劃等～！！
對於上年度o既所有事宜已經全數都傾過晒，今年大家都只求做好本份同埋過得健康快樂啦～！！

原先就約左7:30pm去到新墟Neway會合各位啦，但無奈好多人最後都竟然玩遲Ｄ先到囉～！！
最早到現場o既當然就係我同阿仔加埋世俊，隨後冇耐連子瑜都到埋之後就先上去拎左房～！！

大家又係講下野同埋食下野做頭轉開始喎，所以最早段時間基本上都係冇咩人點歌去唱啦～！！
等大家都開始食左少少野之後，我地就分階段有人開始唱歌同埋部份人就圍埋吹下水啦～！！

成班傻人圍埋咁樣玩的確都幾放架，可能係因為今次都幾唔理形象同埋大家真係好想癲下～！！
今轉除左有唱到一堆大路o既作品之外，其中有一大段時間竟然大玩唱經典歌同埋兒歌囉～！！
正正就係大家玩到咁癲o既情況下先好笑，所以今晚其實都算係一個過得幾開心o既晚上囉～！！