數下手指都已經好耐冇搞大型聚會，而今日趁住Boxing Day就搞返次聚會啦～！！
畢竟最近大家都心情唔太好，或者搞返個活動俾大家玩下可以沖一沖令大家開心Ｄ呢～！！
今次活動其實都係o係好匆忙情況下搞，不過大家好快手都已經答實左話會出席啦～！！
而是次去食咩同埋地點方面就由司欣負責搞，而我只係負責統籌各位出席是次活動嚕～！！
最後決定左今晚會出去荃灣到食韓燒，而今次活動亦係自2012年後唯一一次齊晒各高層～！！
隨住大家都要為生活同工作而忙碌之後，我地近年都已經大減左唔少活動o既數目o架喇～！！
難得今次大家都可以抽空出現玩下，反而我就覺得大家都應該要好好珍惜呢Ｄ機會喇～！！
是次活動出席o既人有我、司欣、Eddie、Jacky、Phoebe、屈姐、世俊、子瑜及Ken呀～！！
一行九人首先就梗係約好左出去荃灣會合啦，而我同世俊、屈姐及子瑜就先行買左盒朱古力～！！
起初子瑜話今日始終都係聖誕節喎，所以佢自己都好想買Ｄ野俾大家食下兼當係搞下氣氛啦～！！
至於司欣今次同樣為大家帶o黎禮物，至於今晚全程氣氛都不及以前玩得咁開心同埋咁放喇～！！
主要原因除左呢期個個都忙到不得了之外，當中所涉及到o既人事問題都總會有些少影響嚕～！！
今次見到Eddie同埋子瑜，我就梗係把握時間同埋機會好好咁同佢地傾下計同講下近況啦～！！
至於Phoebe同Jacky今晚感覺古怪就人人都睇得出，而我當然亦不忘有同Jacky講下野啦～！！
我好明白佢地兩個現階段o既情況，所以中途Phoebe又曾經一度捉左我出去同佢傾左陣計囉～！！
而o係完左晚飯之後，我同埋司欣原本就計劃約下Phoebe連埋佢地兩個另一半有下半場啦～！！
事因我地五個都好耐冇聚埋一齊笑下，而且我地又起初唔想太多人先打算私下再搞呢場啦～？！
點知最終就變左個七人行返屯門糖水加落酒吧飲野，而呢轉行程計劃反而就變左由Jacky提出～？！
最初大家見到佢有呢個提議都唔識俾反應，同時間大家又唔多想屈姐跟埋我地去下半場喎～？！
所以中間就住我地唔同o既計劃就有唔同應變方式，最終子瑜同屈姐都係冇同埋我地去啦～！！
其實呢段時間好多家族成員都出現問題，但係Jacky同Phoebe呢對o既問題就最為嚴重囉～？！
有見及此就令到大家都甚為關心同埋擔心，於是下半場開始之後就分頭有玩同埋傾心事啦～！！
難得佢地兩公婆都肯出聲同我地講，咁樣大家就希望趁今次會面可以盡量幫佢地舒緩下情緒啦～！！
雖然下半場我同世俊最後都有早走，但我同司欣都夾好左有咩就之後會再聯絡同埋再作商討～？！
而司欣o既問題今晚亦抽左少少時間聽過下，加埋世俊o既問題我再於稍後時間慢慢了解及跟進～！！
文章定位：
