＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚再一次有機會踏足TVB睇現場show呀，事因我又經過歌迷會抽飛抽中左我可以再去嘛～！！
雖然之前已經o黎過一次睇節目錄影，但今次睇埋現場直播個製作之後原來個感覺上又係差唔多～！！

經過近幾次活動俾人圍完之後，我就開始認識到數位都係歌迷會入面o既成員可以傾下計啦～！！
畢竟原因咪又係因為我係極少數o既生物，而且最近幾次見到o既都係熟口熟面o個幾位先啦～？！
加上歌迷會幾位主要幹事都開始認得我，咁所以我往後再出活動o既時候都可能唔使再咁尷尬～！！

是次活動係去睇勁歌金曲優秀選第二回啦，而今晚有份出現拎獎o既歌手其實都真係唔多囉～！！
畢竟近年TVB音樂節目都俾好多唱片公司排斥，所以先造就到今時今日呢個自己人玩o既局面～！！

至於今次同上次感覺上有少少唔同，因為今次有份入場o既fans數目比上一轉多左好多呀～！！
所以佢地都話我上次應該唔好早走，事因佢地上次有留低o既fans都可以每人同Fred獨照到～！！
但由於今次人數太多o既關係就駛係冇得影啦，幸好我同佢都叫做有握手機會同埋簽下名啦～！！