今日已經係阿Fred第三次簽唱會喇，而佢亦都係我第一個全數簽唱會都有去o既歌手啦～！！
每次出席呢種活動都總會有人陪我去，至於今次就係今年比較少現身o既『愛人』陪住我喎～！！
現階段為止我本年度都只係第三次見佢，而上一次見佢講返起都已經去到兩個月之前o既事喇～！！
佢o係對上一次復出之後真係成個人都有唔同到，而我亦都經歷左唔少健康上及事業上o既問題啦～！！
所以今次會面期間主要講到o既問題都係比較生活化，加上我今年健康上又出現左唔少問題呢～？！
雖然由我住院到我出院之後，佢有keep住問候下我同埋話會約個期o黎見下我同我傾下計啦～！！
不過佢自拍拖之後又進入左另一個階段，所以我就趁住呢排仲放緊病假期間就試下約佢出下去～！！
加上今日阿Fred於大埔又搞第三場簽唱會，所以我就更加把握機會叫佢陪我去現場睇下啦～！！
是次我地就約左12:30pm去到大埔火車站等，而佢到步之後第一件事就覺得我同平時唔同左～！！
可能我最近個樣真係比較憔悴o既關係，所以我都試下轉個look去遮一遮等人地睇落好樣ｄ啦～！！
剛巧佢到步o既呢個時間又正正Phoebe同我通緊電話，事因佢都知道我呢排病左而打o黎慰問下～！！
其實佢呢期同樣有唔少問題要面對同處理，所以我地一眾掛牌都於前排傾好晒隨時會幫拖嚕～？！
至於今日行程方面就相對簡單，去到目的地之後當然就係去搵間餐廳食返個lunch兼傾下計先～！！
事因我地開頭都會講下自己最近生活同埋工作o既野，及後佢就開始關心下我近況同埋忙緊咩啦～？！
雖然我呢排都仲係放緊病假啦，但係我呢排仍然要o係唔同人o既問題上去做協調或幫助o既工作～？！
或者就係因為呢一年經歷左都唔少事宜或者不如意，所以我近半年都開始變得好多野唔太執著喇～！！
做人可以活得開開心心同簡簡單單都係一種幸福，隨之令我覺得更加在意o既反而係身邊o既人嚕～！！
自佢兩個月再次出現之後，我同佢之間o既相處方法已經去到另一個新階段同處理手法亦已有別～！！
而我呢種改變到底係好係壞都仲係未知數，畢竟對於我自己o既改變早前我都有阿仔會面傾過下～？！
至於『愛人』佢就話我仲有排玩未死得住，所以我係需要搵返d自己喜歡做o既事或者興趣去發展～！！
而今日行程除左係俾個機會我同佢見面傾下計之外，重點就梗係一齊去睇阿Fred第三個簽唱會啦～！！
上年佢都已經先後陪我睇左Eason及Joey演唱會，今次當然就係由佢陪我去睇我個新歡阿Fred啦～！！
行程之中除左去睇Fred、食野兼傾閒計之外，我地今次仲提到好多關於處理感情或關係o既睇法啦～！！
畢竟最近身邊都有唔少朋友陸續拍拖啦，而佢今次亦都有講到話稍後時間想安排佢女朋友同我會面～！！
而佢初步有o既會面主題就打算搞返個飯局兼唱K喎，事因佢話我同女朋友都係喜歡唱歌o既人喎～？！
文章定位：
