＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

講到睇演唱會呢樣野自己就真係好喜歡，而且近年有自己喜歡o既歌手開show都會支持一下～！！
而今晚呢位歌手就係第一次開佢o既演唱會，而我亦係第一次覺得好緊張又同時覺得好期待呀～！！

睇過唔少演唱會o既我理應唔會好緊張，但對於阿Fred首個個唱反而就有呢種好特別o既感覺～！！
而原定今晚陪我一同去睇呢次演唱會o既Phoebe及Jacky因有事，就換成為阿仔同埋世俊兩個呀～！！
佢地兩個其實都好耐都冇試過同埋出活動喇，而且佢地就更加未試過同我一齊去睇演唱會添啦～！！

由於佢地兩位都係比較後生o既一批掛牌，所以我會覺得改為選擇佢地陪我去係比較適合囉～！！
而呢次演唱會俾我睇到o既唔單止係一般會睇到o既野，而係佢俾我感受到o既係一份真誠及感動～！！
過往睇親演唱會只會諗主角會今次咩唱歌，但係佢俾我o既感覺就係覺得自己去左參加聚會咁嚕～！！
加上以前睇演唱會都只係聽到技巧同共嗚，而今次最唔同就係俾我聽到經歷同故事兼令到我喊添～！！

而今日行程安排方面，阿仔就於放工後約4:50pm過o黎會合埋我先再一齊搭車出去九龍灣啦～！！
至於世俊就自行於收到後約左6:30pm去到目的地會合，事因我地仲要事先食埋野至再入場嘛～！！

原先我就計劃去到會場買隻親筆簽名CD啦，但點知去到會場竟然出現一個已經買晒o既現象嚕～？！
所以世俊同埋阿仔都覺得阿Fred人氣同埋市場都好勁，事因近年我地都未見過一個歌手可以咁堅～！！

其實今晚整體表演都非常之好睇，而且佢絕大部份o既歌同埋感覺都可以令到觀眾好投入同感動～！！
再者比較返之前睇過o既Alfred演唱會，對比之下我（地）就更加覺得阿Fred實力方面係更勝一籌～！！

至於今日另一重點當然就係傾下阿仔最近o既事，畢竟佢呢期都因為感情同埋家庭等事宜而苦惱呀～！！
就住多方面o既問題已經先後俾左意見同方向佢，同時我早前亦都問左唔少其他家族成員o既意見啦～？！
畢竟佢地o既經驗同埋睇法都係一個幾好o既分析，所以經我歸納之後就於今日俾左個總結意見佢嚕～！！