＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

出院之後首個飯局就係同Phoebe出去，而原本佢就打算過o黎建生搵我食lunch啦～！！
但係我始終覺得呢到冇咩特別野好食，而且我突然間又想食壽司之情況下就改左出市中心～！！

約左1:30pm出到去會合，而我就事前出去市中心間CSL到睇下係咪有本書可以拎啦～？！
但點知睇左兩間專門店之後都仲未見到有，所以我就發散人手幫幫我睇下各區o既情況啦～！！

至於今日會面主要都係講到幾個話題啦，第一個問題就梗係先講講我出院之後o既情況啦～？！
畢竟都叫做住左醫院幾日搞到我都吽晒，所以返到屋企最重要就梗係要好好咁訓返餐勁先啦～！！

及後我地又談及到司欣最近o既感情事，事關經我地傾完後都覺得佢o既情況都似係唔太樂觀～？！
再者我地當中又有男仔同女仔作多角度分析，所以我地暫時可以做到o既事情都已經做左喇～！！
最後結果係點至今都仲未有好明朗o既情況，不過我地幾位局外人都覺得打定輸數就比較好喇～！！

另一方面．．．
佢今轉都有提到稍後肥豆結婚一事，因為佢宜家都著手幫緊佢地搞緊婚禮o既部份工作啦～！！
同時亦因為我之今次係負責做大會司儀o既關係，所以佢地都已經預早俾定個心理準備我喇～！！
我知道今次肥豆結婚都好多野要搞，無奈肥豆o既另一半就係一個唔多令人覺得討好o既朋友嚕～！？

加上Phoebe稍後時間都會打算創業，所以佢呢期都係忙於有關做籌備以及計劃等o既事情呀～！！
而且佢地兩公婆訢期又話想去迪士尼睇巡遊，所以我地就開始夾一夾十月邊個期係可以啦～？！

至於早前佢都已經見左我新抱喇，而有關佢對於呢位新人o既初步評核都已經同我交代左一次～！！
畢竟新人登場就已經有咁好表現都算係唔錯，而且佢仲可以令到我地一眾高層覺得合格啦～！！
雖然佢就已經過左Phoebe呢部份考核，但係我之後就仲會同佢有多一次正式會面同評估嚕～！！