＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日約左阿仔上午一齊搭車出去觀塘行街，無奈因為佢唔知醒而搞到要各自出去～！！
而佢都心知我已經唔多高興，所以佢一訓醒之時就即刻打俾我兼話會趕出o黎會合我啦～！！

原本計劃就係一齊搭車出去之時就講講策略，畢竟今早要於APM買滿800蚊野換簽名證～！！
事因月中時間就有阿Fred個簽唱會o係呢到舉行，所以我早前於韓國旅行都已經同佢夾定～！！

去到之時就好多間舖頭都仲未開喎，但我尋晚都已經做左功課睇定邊堆野係可以入手啦～？！
最後阿仔就將買波鞋個計劃變左做買左件牛仔衫，而個價又達標可以換到一個簽名證喎～！！
其實今次張簽名證仲跟埋一隻CD架，所以我已經諗定新呢隻就要o黎簽名兼做紀念就算嚕～！！

完左任務之後當然就係去食返個lunch先，至於呢段時間就梗係講下最近發生o既事宜啦～！！
我就梗係有講到今次去韓國旅行o既經歷同感受啦，而佢又同我談及到佢近期拍拖o既事宜～！！

由於月中先係正式簽唱會o既關係，所以我今轉就已經同佢講定左屆時都係佢陪我去嚕～！！
不過我都有就住佢今早遲到一事作出過警告，表示唔希望下一次再有同樣o既情況出現呀～！！

而原定打算行街買衫o既計劃就冇做，事因我地暫時都未有任何野見到就好想買o既感覺呀～！！
但係我地可能會於下轉再會面o既時間先去再行，如果到時真係有野想買就到時先入手喇～！！

至於夜段時間就再一次出左去友愛，事因今晚我地一班人有重要野需要圍埋一齊傾下嘛～？！
早前司欣已經同我及世俊傾過關於感情事方面o既野，今晚就係由Jacky同Phoebe俾意見～！！

由於早前我同Phoebe唔o係香港o既時候，佢已經好兩次想約我地一齊出o黎傾下o架喇～？！
所以難得我地全部人聽日都放假o既關係，最終咪決定揀今晚上去友愛到盡量傾晒所有野嚕～！！

而o係上去友愛之前當然就先去左市中心會合司欣，事因佢話想我陪佢食左個壽司晚飯先～？！
及後我就同佢一齊去買糖水上去Phoebe到，之後一傾就傾到近3:00am先有部份定案咋～！！