＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日就繼續有生日飯局o既約會，至於今次出場o既人就係屈姐同屈妹～！！
講起佢地兩個都已經一段時間冇點會面，事因佢地份工同我地時間唔多夾～！！

加上早前佢地又雙雙出左唔少問題，搞到班高層掛牌就唔叫佢地出席活動～！！
不過佢地今次就主動搵我食飯，事因我地都的確有一段幾長時間冇一齊食飯～！！

最近大家都係忙於工作方面，而今次會面之時當然就不忘講講大家近況先啦～！！
畢竟屈姐近年轉工或失業次數係最高o既一個，所以我地都係比較關心佢呢方面～！！

而我今次亦有將部份近期o既事同佢地講下，並且希望佢地稍後可以參與聚會啦～！！
至於我今轉同佢地講到o既事都係早前聽到返o黎o既事，加上又會講下其他掛牌人～！！

得知屈姐好快就會離任宜家呢份工，其實呢樣野早前都已經同佢傾過下o架喇～！！
我明白佢本身性格對佢同人o既關係有影響，所以我地三番四次勸佢要改變一下～！？
本身自己圍內班掛牌近年都已經有微言，希望佢會趁住今次經歷會好好反省下啦～？！

今晚我地三個就一齊出左市中心到行陣先，及後我地就決定去食泰國野做晚飯～！！
事因我地之後仲要返過去V City到睇show嘛，所以我地都唔太想因等位而出事啦～！！

至於晚飯時間主打咪講下生活同埋家人囉，因為我地屋企裡面都有唔少煩人啦～？！
講完家人之後就轉為講下掛牌人啦，畢竟我地早前有幾個朋友先後咁結左婚嘛～！！
無奈呢幾個朋友o既婚宴我地都冇去，所以我地趁住今次咪講下咪檢討下佢地嚕～！！

而o係晚飯時間之後先係重點，因為聽日就係DSE放榜o既日子而有明星到o黎啦～？！
而今次有份o黎到屯門做表演o既就有阿Fred啦，所以我地希望親身去望下同埋聽下～！！

見到呢個show同埋班fans突然令我感到驚訝，事因佢fans層面原來都好廣泛下嚕～？！
而且今次係首次聽到佢唱live啦，但係佢o既表現同俾我o既感覺絕對令我諗起演唱會～！！