一連兩日o既慶生活動o黎到第二日，今日繼續有阿仔陪我去過每年對我最重要o既一日啦～！！
今年自己o係心態上都已經開始有種調整，我開始覺得生日只要有愛我o既人陪我過就夠喇～！！
雖然我同阿仔宜家已經係分開兩地生活，但唯一不變o既就係彼此之間o既心依然存在啦～！！
我地都曾經承諾過對方會一直走到最後，眼見過去好多身邊人o既人來人往提醒我地要珍惜～！！
經歷左一次佢去左澳洲讀書一事之後，我地絕對覺得兩仔爺之間最重要係心裡面有著對方～！！
未來日子可能會有更多變數會陸續出現，但係我地始終相信對方係自己最可以信任o既人～！！
至於今日行程方面繼續由阿仔負責安排，大約10:30am左右佢就先過o黎會合我去搭車啦～！！
事因今日第一站係先去九展一個特別場入面睇戲，而呢一次坐按摩椅睇戲都係我地第一次啦～！！
近年已經開始玩特色同埋玩高級o既我地，對方o既生日就肯定係最要重點處理o既日子啦～！！
所以今日行程方面都係玩特別同埋第一次，至於o係睇完戲之後我地就過左去又一城喇～！！
我地o黎得呢到當然就係有第二場經歷要完成，因為阿仔o黎呢到係要買生日禮物送俾我呀～？！
早前同佢講到我希望有部Pad可以玩下，所以阿仔尋日o係迪士尼就已經應承話送俾我喇～！！
對我而言禮物其實都可以話係其次，但佢呢兩日行程o既安排同處理先係最需要花心思呀～！！
而o係買完我份生日禮物之後o既時間，反過來我就要陪佢去買IPad準備送俾生意上o既朋友～？！
不過呢個生意上o既朋友並唔係佢朋友，正確ｄ講應該係話佢只係去完成佢屋企人交低o既任務～！！
我知道佢北上之後心態都變左唔少，甚至宜家佢同佢屋企人間o既關係都明顯比以前差左啦～？！
但我呢日行程中除左聽佢呻下同埋開解下佢之外，我就提出左唔少例子叫佢嘗試放開ｄ啦～？！
出道接近有第十二個年頭o既佢從來未試過有咁重怨氣，無奈呢個亦都已經成為左事實啦～！！
至於完左又一城呢個時段之後，我地又係時候要去搭車向今晚最後一站o既目的地進發喇～！！
事因我地今晚o既晚餐將安排o係愉景灣進行，而呢個地方今次亦都係我首次正式踏足呀～！！
呢個地方同柏麗灣一樣都係玩外國風情，而且呢到o既整體感覺都令我覺得唔錯兼夠自然呀～！！
難得可以再一次離開左市區o黎到呢到，梗係要好好咁行返下陣兼趁呢ｄ時間傾下計啦～！！
今轉傾到理想生活同埋感情等o既問題，加上晚飯之時又談到我地o既過去兼我o既感情史～！？
好多關於我自己o既事以往都有同阿仔提及到，但我始終未能夠真正將咁多年o既事一一交代～！！
所以佢就趁今晚同我回顧左部份過去之餘，同時阿仔又想探討下我過往o既成長及感情世界～？！
至於o係回程之時當然會有個總結兼講下餘下o既計劃外，同時我地亦都留低一份冀盼啦～！！
文章定位：
