＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

由於Jacky屋企宜家正係忙於搬屋o既關係，所以連帶埋友愛呢邊都變成一個重災區～！！
而今晚我又同佢地兩個一齊晚飯啦，事因早前Phoebe就話想約埋今日一齊出去睇展覽o既～？！

但就係因為佢宜家要忙住執返整齊間屋，最終佢就只好選擇放棄所有活動而搞正經野先～！！
聽佢講原定仲諗住趁呢兩日假期可能去下短trip呀，不過佢見到間屋咁亂就始終唔成行啦～！！

繼續都係約返去友愛食晚飯兼講下呢幾日o既事，事因呢幾日又有幾件事先後發生左呀～！！
其一又係同Private結婚一事有關啦，因為司欣話佢於Facebook收到通知問佢去唔去飲嚕～！？
但由於我地成班掛牌早前已經講左話唔去，所以佢最終好似話連回覆佢呢個動作都冇做呀～！！

另一方面．．．
屈姐早前終於搵到新工返之時，我地大家都希望佢可以生生性性捱到落去長做下先啦～！！
點知我日前又收到佢即將離任一事，而且仲要係連一個月都未做夠就已經要俾人話炒喇～！！

我地幾個一講起呢樣野都好無奈，聽落去大家都真係好替佢覺得可惜亦都好同情佢嚕～！？
但係我地大家其實都心存同一個疑問，就係點解佢次次轉親新工都係冇一份可以做得長呢～？！

性格決定命運呢個道理我地大家都明白嚕，但係佢o既際遇又係咪真係可以差到咁呢～？！
佢每次都同我地講好多唔同o既大計，但係每一次都只可以係一個計劃而且最終會無疾而終～！！
大家作為佢朋友都好為佢未來生活擔心囉，加上佢呢份工o既人工原本都真係幾吸引o架～！？

講完兩件不快o既事宜之後，佢地都有問及到阿仔之後既情況同埋呢期o既生活係點啦～？！
無奈佢又係好快就要離開呢到轉戰大陸，而且我仲將早前部份傾過o既事情同佢地講下啦～！！

至於最後部份上到佢屋企之後，我地就邊吹水同埋邊睇電視去回憶一下大家中學時代呀～？！
因為今晚電視播緊套劇正正就係講緊友誼o既可貴，人生之中得到幾個好朋友的確好難得嚕～！！