＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

由於今個月係表哥o既生日，加上之前又知道Raymond意外執到五萬蚊喎～！？
所以我地就特意約埋今晚食返餐，當然我、表哥同表嫂就o係事前已經夾定左啦～！！

畢竟Raymond得到意外之財，所以我地就梗係唔放過呢個機會屈佢請食海鮮啦～！！
雖然我自己就已經住左屯門好多年，不過我會過去三聖o既機會就真係一隻手數得晒～！！

今日約左4:30pm去屯門站會合之後，我地就一齊搭505去目的地到行下海矩兼揀海鮮～！！
是日o既天氣的確真係好好兼可以睇到飛機，但係同時熱o既程度亦都唔可以睇少呀～！！

雖然我地都趁住天氣好所以行下兼易左陣相，而且o係呢個位置亦都搵返部份兒時回憶～！？
諗返起以前細個都有曾經o黎過呢到啦，不過宜家個地方同以前故可以話係兩個樣喇～！！

行到大約6:00pm左右，我地就一齊去揀下食咩海鮮兼拎去餐廳到準備入座食野啦～！！
講好左堆野諗住點樣煮之後冇耐就已經開始上餐，所以佢地起菜o既速度都真係幾快嚕～！！

今晚圍埋都係講下d曾經發生過o既事宜，但中間阿嫂就一度話我地應該搵d秘密講下喎～？！
雖然呢部份我地都冇咩秘密可以爆，但係我地就講下d生活事同埋旅行事宜一齊去笑下啦～！！

至於o係完左呢轉晚飯之後，我地就一行四人齊齊散訝返過去市中心到睇下d袋先喎～！？
因為阿哥話佢地近日有三個袋想買，所以佢就趁住大家食飽飽之後咪行返一陣先嚕～！！

睇左一輪之後都係搵唔到佢想要o既野，最後我地就轉戰去滿記到食埋個糖水兼吹多陣～！！
佢地兩個就話講o黎講去都係馬同埋波，至於我同阿嫂就梗係多數會講下d生活事宜啦～！！
至於o係最後呢段時間方面，我地就真係搵左d曾經o既感情事去回憶一下大家o既那些年～！！