＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

不經不覺都已經有一段時間冇上過去友愛，而今晚我就應邀上去佢地屋企一齊食晚飯呀～！！
事因我地原本打算今日一同出外郊遊，但最終因為時間問題而未能如期出發而改為晚飯啦～！！

我就大約7:30pm左右過到佢屋企，而Phoebe就忙碌於o係到整緊今晚要食o既晚餐啦～！！
雖然佢都已經好耐冇正式落場整過野食啦，但係o係水準上我同Jacky都唔覺得係好差喎～！？

今晚大家都自由身咁一齊玩下傾下計，主力就先交代下近日大家發生過o既生活事先啦～！！
畢竟今年都有唔少身邊朋友相繼結婚，無奈o黎緊呢幾個婚宴我地都暫未有打算會出席嚕～！！

而且再因Phoebe早前又病左一段時間，所以呢排佢又好想計劃一連串活動出外玩下啦～！！
我地大家暫時都未有正式決議案或方向想點做，不過我地就開始著手去傾Phoebe下月生日一事～？！

年度活動之中比較主要o既大致都係我同佢生日，如果佢生日都唔搞就需要延至七月先有活動～？！
不過今晚Phoebe得知前No.2快將結婚一事後，佢地就話不如佢擺酒當日去婚宴現場食飯嚕～！！

雖則活動大致上就冇咩特別衝突，但如果真係要搞o既話就需要預早出通告通知大家準備啦～？！
至於講開生活同工作等話題方面，我地都有就住屈姐個情況傾過同埋計劃正式再同佢好好傾下～！！

另一方面．．．
今日講到生日安排一事之時，佢地分別都已經諗好左本年度要送ｄ咩俾我做生日禮物喇～？！
由於Phoebe手工藝方面就比較好，所以佢就應該會親手整個Hand Ｍake公仔俾我啦～！！
至於Jacky就應我要求會送部耳機俾我，事關佢自己好似有存貨但買左後又完全冇用過嚕～！！