人越大就覺得時間過得越快，唔經唔覺又係時候回顧一下自己o既2013年喇～！！
雖然今年唔算係好開心或樣樣順意，但係今年自己都算係過得精彩o既一年囉～！！
因為今年好多計劃都已經一一實現左，再者今年自己亦有做過好多新嘗試啦～！！
仲好記得每年年底時間都會為自己定下明年目標，但今年我為問自己仲有咩想做～？！
本年度掛牌成員越打越散，會面同聚會o既次數比起上一年度就再進一步下跌呀～！！
深明好多人都已經唔同左o既原因，所以我地都只可以用各有各忙去形容大家啦～！！
年初時間率先同阿仔去左睇叱吒頒獎禮，而呢個經歷亦係我地多年前已經開始計劃啦～？！
而我難得有呢個機會去到，所以就梗係同阿仔一齊去親身感受下頒獎禮現場到底係點嚕～？！
至於本年度基本上所有重點人士生日都有齊，年初打頭陣當然就係司欣o既生日先啦～！！
雖則話呢一年度好多生日飯局都係有齊，但應該出席到o既人都好多時都唔可以到齊呀～？！
好多人彼此間有心病呢個問題早已發覺，無奈今年o既情況比起上年度就更甚嚴重囉～！！
到底最初大家辛苦經營o既呢個家族關係，未來日子仲可以維持到幾耐都真係成疑問呀～！？
繼續睇返年初時間都仲有唔少聚會，因為大家趁仲有時間都會計劃下部份小型聚會啦～！！
圍埋打下邊爐或者玩下game等o既約會都仲有，至於上年度先出場o既新掛牌亦有參與～！！
至於我同Phoebe及Jacky呢個三人組合，年初時間繼續圍埋周圍去玩下或睇下展覽啦～！！
基本上我地三個人一走埋o既時間都唔會有悶場，事因每次我地都會有好多笑料發生囉～！！
至於農曆新年時間方面，我同阿仔當然按照以往慣例會走埋一齊拜個年兼食下野啦～！！
同時由於今年係Phoebe及Jacky首年新婚，所以佢地都有向我地大家派下利是呀～！！
今年我、阿仔及Phoebe就選擇左去酒店一同食自助餐，同時呢次就成為我地o既第一次～！！
及後時間我都有同其他掛牌成員有過會面，年頭時間分別有大妹同埋Angela兩位啦～！！
至於o係新年時間當然就不忘外出逗下利是，所以我同世俊就一同去左屈姐家中拜訪啦～！！
今年其實亦都係世俊最大改變o既一年，自佢復出之後見到最好表現應該都真係今年喇～！！
因為佢今年先後都幫我做左唔少野，而且佢參與活動o既次數亦係近年中最好o既一年囉～！！
正正因為佢陸續參與多個活動或聚會，所以佢今年都已經被點名話係飛躍進步o既一員～！！
而去到三月份時間，我地就成班人圍埋為Eddie慶祝佢首個o係掛牌上o既生日聚會啦～！！
加上呢次又係我地大家一同慶祝佢新居入伙，所以今個慶祝都可謂係有雙重意義啦～！！
其他朋友及同事當然都係我每年會見面o既人，年初時間就圍埋送走左朱麗出國做野～！！
至於其他每年例行都會見面o既同事們，今年都唔例外繼續會有ｄ細型飯局約埋見下面～！！
每個階段或者都有唔同人出現，但我年初時間就繼續同阿仔及Phoebe及Jacky見得較多～！！
一同出外行街食飯或大大小小o既聚會仍然繼續，四月當然就有Phoebe年度生日飯局啦～！！
雖然本年度佢生日都分開左有兩場之多，不過我呢個重點老友就梗係兩場都有出席啦～！！
回望從前o既日子一定有唔少具影響力o既人出現過，曾經o既新人王呢個時間再次復出～！？
佢o既出現曾經令到我生活起左好大變化，而隨住佢o既再次回歸到底又會唔會有新火花呢～？！
而『愛人』回歸後當然就梗係會同從前一樣啦，照樣玩每月定期見下面同埋追下數先啦～！！
至於五月份o既時間當然係忙於幫老表準備婚禮，事因佢o既大喜之日將會定於六月尾嘛～！！
所以呢個月都只係同『愛人』及阿仔等主打人物見過面，再者我地都要準備下半年事宜喇～！！
好快就已經過左近半年o既時間，阿仔今年都作出多個改變且心態上都開始有左唔同喇～！！
畢竟面對佢即將大學畢業兼要正式面對社會，呢一切一切o既變化都開始令佢感到壓力喇～！！
至於我本年度生日聚會就比往年提前左，不過我一班好朋友就俾左我一個好難忘o既生日呀～！！
事因今次係我第一次收到份咁爆o既禮物之餘，而且仲係我第一次玩通頂o既生日聚會呀～！！
而同月時間我就先後出席左兩個婚宴，至於首個當然就係舊同事Okan大婚之喜去做賓客啦～！！
至於另一個就梗係老表個婚禮啦，而呢次亦係我首次作公開場合o既司儀加兼任埋伴郎啦～！！
呢次經歷真係令我感受到同學識左好多野，事因我需要一個人身兼多角由幕後一直做到幕前～！！
正正亦因為呢次婚宴o既關係，本年度亦先後為我帶o黎唔少o既異性緣兼一次拍拖經歷啦～！！
雖然最終都冇辦法收成正果，但我都要多謝Phoebe及Jacky兩位當中陪我經歷左唔少事宜啦～！！
至於表嫂、阿仔同埋『愛人』o係呢段時間裡面，佢地亦都真係幫左我好多兼俾左唔少意見我～！！
而o係同年度時間裡面先後去左兩次旅行，當然兩次行程當中都令到我有唔同體會同埋感受啦～！！
上半年時間已經同家人去左台灣一次，及後就連同表哥佢地一同去左日本一轉賀佢新婚嚕～！！
至於下半年時間繼續有唔少活動啦，當然本年度三個我好想睇o既演唱會先後都已經睇晒啦～！！
難得佢地三位於同年度都開演唱會，所以我年中睇左Eason；年底就睇埋Joey同Alfred喇～！！
而Eason及Joey兩個演唱會當中，我就分別有唔同o既朋友陪我一齊完左兩場及四場o既經歷～！！
但係同時兩個重點演唱會都有陪到我去睇o既人，分別就係『愛人』同埋阿仔兩位主角啦～！！
其實『愛人』可以話係一年內圓左我兩個心願，而阿仔當然就一向都係熱門陪我o既人選啦～！！
其他場次方面當然都有唔同人士陪同一齊，至於Phoebe及Jacky亦係首次同我一齊睇Joey呀～！！
另一方面．．．
自『愛人』由四月復出之後，佢除左有陪我去演唱會外就仲已經兌現左陪我唱K及睇日落等事～！！
一連串從前佢許下o既承諾o係今年終於都做左，同時佢今年o係唔同層面上亦的確係有所改變啦～！！
睇住佢進步o既我當然會因佢而感到開心啦，但係快樂過後當然都同時有唔少壞消息傳出啦～！！
因為之後就竟然收到Tracy同Ken哥o既離婚消息，而我同埋Phoebe及Jacky當然係知情者啦～！！
同時為左呢件事大家都忙左一大輪，及後仲因為呢件事o既發生引發起連串不必要o既風波添～？！
年度多個生日飯局先後出左現，而Jacky同埋阿仔兩個o既生日慶生飯局當然都唔少得啦～！！
不過Jacky最終只係選擇左細搞就算，至於阿仔方面繼續由我負責安排一個高級版生日俾佢～！！
人生當中都係會有高低起跌，而今年當然同阿仔及『愛人』都發生左唔少需要去傾o既問題啦～！！
好多問題其實於早年前都已經傾過，但今年既然佢地又將問題翻炒先令我決定需要認真去面對～！！
而佢地兩位都覺得自己係時候要解決有關問題，所以我希望明年真係可以見到佢地有所改善啦～！！
至於我同Phobe及Jacky呢個組合，繼續o係唔同時間都有唔同o既外出活動或者飯局聚會啦～！！
先後完左o既迪士尼之行、長洲行及大澳行都好玩好開心，所以今年都的確一同經歷左唔少野～！！
接近年尾時間當然就係安排阿仔畢業外景相，而近年甚少參與掛牌活動o既四妹都有份出席啦～？！
先後為阿仔安排左兩場外景相去馬灣及赤柱到影，同時我地亦俾左個機會大家一同圍埋玩下～！！
今年o黎到尾聲除左定下來年願望之外，同時我亦感激每位曾經令我對人生有所反思o既所有人～！！
2013年度十大熱播歌曲
01.許廷鏗－時光(216)
02.容祖兒－續集(212)
03.許廷鏗－遺物(204)
04.容祖兒－天窗(200)
05.陳奕迅－任我行(177)
06.周柏豪－我的宣言(164)
07.林欣彤－一千零一次人生(158)
08.胡鴻均－明白了(130)
09.胡鴻均＆鍾嘉欣－交替之間(117)
10.胡鴻均＆吳若希－暗戀(104)
文章定位：
