＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚又o黎一次突發性飯局，而今次負責約我o既竟然係Jacky喎～！！
由於佢地兩公婆日前拎左部車去整，而今晚收工後就要去拎返啦～！！

所以佢地就約我今晚一齊食飯，而且佢地又打算同我講下追數件事～！！
事因早前Phoebe因為舊公司欠薪而搞到上勞工處，而尋日又有手尾嚕～！？
既然今晚係可以一齊見面食飯，所以佢地咪同我再傾下件事點處理囉～！！

雖然宜家件事係出現左少少問題，不過我都勸喻佢地要冷靜處理啦～！！
畢竟件事都已經進入左法律程序喇，咁樣佢地就更加應該諗真想要點做～？！

至於o係我地拎返部車之後，最後就決定左落去黃金海岸o個邊食晚飯～！！
事因今晚難得可以出到車，所以Phoebe就建議今晚一齊去遊返轉車河喇～！！

今晚都主打係講生活及感情問題，生活主要都係圍繞住身邊班朋友啦～？！
到底自己身邊仲有幾多個老朋友係一直維繫至今，其實已經係可以數得出～！？
同時我地又回憶返唔少兒事o既野，加上從前中學生活o既點滴就更好笑～！！

身邊好多掛牌成員都係兒時開始認識，但宜家已經好少機會大搞聚會啦～？！
所以我地呢班人o既關係其實亦都變緊，當中我地的確係有無奈同埋感慨～！！
但係經過多次大洗牌之後，今時今日仲留守到掛牌行列o既人已經算係咁～！？

而感情事方面就主要講我，雖然因為某人o既出現的確令我幾感到苦惱～？！
由於我又未係去到好喜歡佢，但我身邊眾人都睇得出佢好有誠意同積極～！？
所以現階段我都只係覺得只會係朋友，但日後會變成點就未能有確定答案～！！

至於o係晚飯之後去左遊車河之外，我地仲有去埋深井食糖水去返家啦～？！
而呢部份時間主要就係傾下日後o既活動，事因未來幾個月都仲有野會搞嘛～？！
本年度o既決議案大部份都已經落實，稍後時間就只係將計劃一一咁實行咋～！！
但同時又臨近年尾時間o既關係，所以我地及後亦會開始夾下出年o既野喇～！！