由於尋日係中秋節關係，所以今日就有補假益左我地可以出去玩啦～！！
尋晚就已經同阿仔有過會面，而今日就繼續三人行一齊去長洲玩返日啦～！！
講到明三人行就梗係又係我、Phoebe及Jacky，至於今次行程就非常簡單啦～！！
其實我地今次之行真係話去就去，事前大家都並冇做過任何行程計劃或安排嚕～？！
早上11:00左右就先到市中心會合，及後就梗係食左個早餐先至開始行程啦～！！
呢段時間就趁機同佢地呻下呢兩日o既不快，事因要講o既咪就係關於某人嚕～！！
大家圍埋一齊講就梗係有唔同分析同意見，而佢地亦都俾左我一ｄ睇法同觀感～！！
食完個早裒之後就正式起程入去，而o係搭９６１及船程期間少不免乜都講下～！！
首先佢地兩個尋晚去睇左套電影，而呢套戲其實我本身都有興趣想去睇呀～？！
無奈佢地咁快就已經睇左o既關係，所以我就要搵阿仔安排個時間陪我去睇嚕～！！
當中講到套戲o既內容時，不禁令Phoebe諗起阿Ken同Tracy單野令人惋惜嚕～！！
事關佢地如果有一齊去睇到呢套戲，可能佢地昸感受唔同而連帶結果都會唔同～！！
而入到去長洲之後就發現呢到爆多人，不過就仍然無阻我地o既食喝之行啦～！！
今日o係呢到除左行下睇下景之外，當然唔少得就梗係會影下相同埋飲飲食食啦～！！
全日都真係食左唔少野落肚，及後行行下仲竟然俾我地撞到Private同埋家豪呀～！！
我地只係簡單咁傾左幾句，但由於我地打算之後出返市區晚飯所以就要改變計劃～！！
事因佢地兩個原本想同埋我地一行五人食飯，但睇落Phoebe都唔係太想o架啦～！！
夜晚時間就出返銅鑼灣行街兼晚飯，但由於呢到曾經令Phoebe發生左ｄ不快事～？！
所以佢一直都好避免去呢到，直到今次係因為我帶佢地去呢到食野所以先o黎咋～！！
今日佢地兩人個又繼續發揮大傻本能，事關佢地今次行街又再一次走去買衫呀～！！
至於o係銅鑼灣晚飯兼買完野之後，我又突然收到某人話想約我去呢到去o個到～？！
正因為佢地兩公婆都在場o既關係，所以我地就梗係又計劃約埋一齊去玩返轉～！！
同時阿仔亦將於月尾起一連幾日見到我，事因下星期將會補搞Jacky生日飯嘛～！！
加上阿仔自己餐生日飯兼呢個新增活動，所以阿仔將有多個活動需要出席呀～！！
至於今日玩足十二粒鐘行程o既最後一站，我地就係返左去友愛到食宵夜啦～！！
事因今晚晚飯完之後一同去左買衫，佢地就買左唔少野但我就完全係冇收穫啦～！！
但o係回程途中Phoebe又突然話肚餓，所以最終咪加多個宵夜行程先正式完結嚕～！！
文章定位：
