＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

由於今日係Jacky正日生日，所以Phoebe下午就叫左我今晚上佢到～！！
事關佢地買左個蛋糕仔當首場慶生，而我又梗係同佢地兩個聚下啦～！！

至於正式幫佢慶生o既飯局，我地早前就夾左會安排o係稍後時間啦～！！
現階段預計月尾左右就應該會成事，所以今晚就反而係簡單形式先嚕～！！

呢個星期尾就已經係中秋，所以今次會面佢地都有俾到應節禮物我呀～！！
佢地話早前買左一大堆野食應節喎，所以咪藉住今次見到我就俾左我先～！！

今晚會面時間唔算太長，主打都係先講返佢為左份工件事搞成點啦～？！
而今日亦都已經叫做暫告一段落喇，事因佢地今日已經去左勞工處到處理～！！

再者今晚仲聽返唔少之前已發生o既事，今日呢個結果雖然係好不快呀～！？
但係既然早前都已經有咁多問題積落，倒不如一次過將所有問題解決晒佢啦～！！

至於有關中秋節假期o既安排，屆時我地都應該係約埋一齊出去玩返轉啦～！！
事因早前就話計劃左北上玩啦，但宜家搞到咁都應該留港玩返日就算喇～！！

另外關於阿Ken單野方面，我地今晚都有談及到兼收到當事人來電啦～！！
聽落主角新一步資料情況就唔係好樂觀，事因佢好似真係發現到有第三者呀～！！
無奈阿Ken宜家仲未放得低件事，而且佢命計劃左稍後會去見心理醫生添～！！