＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
呢晚又過左去友愛同Phoebe及Jacky見面，事因Phoebe今日打o黎搵過我～！！
起初佢打俾我都主要係吹下水，及後佢就叫我幫佢地買糖水上去食嚕～！！

大約8:45pm左右就買埋野上到去，及後就梗係吹下水兼講下下半年計劃～！！
佢早前因為份工壓力過大而考慮應否辭職，不過始終仲o係考慮狀態啦～！！
事因佢話Jacky唔係太支持佢辭職，所以佢就仲有好多野需要諗清楚喎～！！

雖則我都知道佢好有自己一套，而且日前會面時都有談及有關事宜啦～！！
好多時當一個人要落決定o既時候，的確係會有好多交叉點問題問自己～！？
而且佢又問我有咩新工介紹俾佢，不過我好清楚佢自己到底想要ｄ咩o既～？！

至於o係今晚會面時間，佢就同我講左一個喜訊係關於呢方面個問題o既～？！
事因佢老闆都知道有問題發生，所以佢公司就安排左佢做另一個職位喇～！！

有關工作上o既問題，好多時身邊人的確未必會完全明白當中o既難處啦～？！
不過我總相信如果肯搵身邊人傾下，或者會搵到一條新o既出路俾自己嚕～？！

另一方面．．．
今晚我地仲講到關於近日掛牌成員o既事，所以呢部份都仍成為探討重點啦～！！
事因好多掛牌近年表現都唔太好，所以我地一聚高層就決定採取放棄手法去做～！！
目的並唔係真係想當事人獅人理，而係要佢地自己去反省一下問題所在呀～！！

其實有關呢方面o既問題，我早前都先後同Phoebe及阿仔去詳細探討過喇～！！
我地都發覺人好多時都係唔知自己衰咩，但當自己被忽略後就會察覺有問題～！？
至於我日前就o係Facebook講左一段說話，而且當中o既野當然唔係咁簡單啦～？！
我希望各位掛牌都應該就住呢方面去留思下，到底宜家朋友o既關係係ｄ咩～？！

早段好多被人忽略左o既人，近年都陸續開始有返少少表現同肯出席活動啦～！！
不過又到部份從前好落力表現自己o既人消失，而最終到底有幾多人係keep到呢～？！
呢個問題已經唔係一朝一夕，加上近年掛牌又正值係新舊交替o既年代添呢～？！

除左談及到掛牌成員表現之外，下半年各個活動計劃都於今晚有傾過下啦～？！
事因過左我正日生日之後，好多下半年o既野就係時候要上馬同埋做準備嘛～！！

首要已經講到有關大家o既畢業禮，至於重點就梗係擺左o係阿大身上先啦～！！
同時有關各人o既生日及送禮等問題，我地都將會同各高層再進一步開會商議～！！

不經不覺今年都已經過左一半時間，所以好多人本年o既表現亦已成結果啦～！！
係咪仲能夠o係往年o既時間裡面企得穩，有心去做o既就要把握下半年時間喇～！！